เมนู

กุพุ พนฺธนทีตีเร, สมุทฺทวิหารเมว จ;

หุวาวกณฺณิเก จูฬ, นคปพฺพตสวฺหยํฯ

[91]

ปาสาณทีปกวฺหมฺหิ, วิหาเร การิเต สยํ;

ปานิยํ อุปนิตสฺส, สามเณรสฺส ขตฺติโยฯ

[92]

อุปจาเร ปสีทิตฺวา, สมนฺตา อฏฺฐโยชนํ;

สงฺฆโภคมทาตสฺส, วิหารสฺส มหีปติฯ

[93]

มณฺฑวาปิ วิหาเร จ, สามเณรสฺส ขตฺติโย;

ตุฏฺโฐ วิหารํ ทาเปสิ, สงฺเฆ โภคํ ตเถว โสฯ

[94]

อิติ วิภวมนปฺปํ สาธุปญฺญา ลภิตฺวา,

วิคตมทปมาทาจตฺต กามปสงฺคา;

อกริยชนเขทํ ปุญฺญกมฺมาภิรามา,

วิปุลวิวิธปุญฺญํ สุปฺปนฺนากโรนฺตีติฯ

สุชนปฺปสาทสํเวคตฺถาย กเต มหาวํเส

เอกาทสราชทีปโน นาม

จตุตฺติํสติโม ปริจฺเฉโทฯ

ปญฺจติํสติมปริจฺเฉท

ทฺวาทสราชโก

[1]

อามณฺฑคามณฺยภโย, มหาทาฐิกอจฺจเย;

นววสฺสนฏฺฐมาเส, รชฺชํ กาเรสิ ตํ สุโตฯ

[2]

ฉตฺตาติ ฉตฺตํ กาเรสิ, มหาถูเป มโนรเม;

ตเถว ปาทเวทิญฺจ, มุทฺธเวทิญฺจ การยิฯ

[3]

ตเถว โลหปาสาท, ถูปวฺเห โปสถวฺหเย;

กาเรสิ กุจฺฉิอาชิรํ, กุจฺฉิอาฬินฺทเมว จฯ

[4]

อุภยตฺถาปิ กาเรสิ, จารุํ รตนปณฺฑปํ;

รชตเลณ วิหารญฺจ, การาเปสิ นราธิเปฯ

[5]

มหาคาเมณฺฑวาปิํโส, ปสฺเส การิย ทกฺขิเณ;

ทกฺขิณสฺส วิหารสฺส, อทาสิ ปุญฺญทกฺขิโณฯ

[6]

มาฆาตํ สกเล ทีเป, กาเรสิ มนุชาธิโป;

วลฺลิผลานิ สพฺพานิ, โรปาเปตฺวา ตหิํ ตหิํฯ

[7]

มํ สกุภณฺฑกํ นาม, อามณฺฑิย มหีปติ;

ปตฺตํ ปูราปยิตฺวาน, กาเรตฺวา วตฺถจุมฺพฏํฯ

[8]

ทาเปสิ สพฺพสงฺฆสฺส, วิปฺปสนฺเนน เจตสา;

ปตฺเต ปูราปยิตฺวา โส, อามณฺฑ คามณิวิทูฯ

[9]

ตงฺกนิฏฺโฐกณิราชา-ติสฺโส ฆาติย ตาตรํ;

ตีณิ วสฺสานิ นคเร, รชฺชํ กาเรสิ ขตฺติโยฯ

[10]

อุโปสถฆรฏฺฏํ เอสา, นิจฺฉินิ เจกิยวฺหเย;

ราชาปราธกมฺมมฺหิ, ปุตฺเต สฏฺฐิตุ ภิกฺขโวฯ

[11]

สโหฑฺเฑ คาหยิตฺวาน, ราชา เจติย ปพฺพเต;

ขิปาเปสิ กณิรวฺเห, ปพฺภารมฺหิ อสีลเกฯ

[12]

กณิราชา อจฺจเยน, อามณฺฑคามณิ สุโต;

จูฬาภโย วสฺสเมกํ, รชฺชํ กาเรสิ ขตฺติโยฯ

[13]

โส โคณกนทีตีเร, ปุรปสฺสมฺหิ ทกฺขิเณ;

การาเปสิ มหีปาโล, วิหาเร จูฬคลฺลกํฯ

[14]

จูฬาภยสฺส’จฺจ เยน, สีวลิ ตํ กนิฏฺฐิกา;

อามณฺฑธีตา จตุโร, มาเส รชฺชมการยิฯ

[15]

อามณฺฑ ภาคิเนยฺยา ตุ, สีวลิํ อปนียตํ;

อิฬนาโคติ นาเมน, ฉตฺตํ อุสฺสาปยิ ปุเรฯ

[16]

ติสฺสวาปิํ คเต ตสฺมิํ, อาทิวสฺเส นราธิเป;

ตํ หิตฺวา ปุรมาคญฺฉุํ, พหโวลมฺพกณฺณกาฯ

[17]

ตหิํ อทิสฺวา เต ราชา, กุทฺโธ เตหิ อการยิ;

มทฺทยํ วาปิยา ปสฺเส, มหาถูปญฺชสํสยํฯ

[18]

เตสํ วิจารเก กตฺวา, จณฺฑาเล จ ฐปาปยิ;

เตน กุทฺธาลมฺพกณฺณา, สพฺเพ หุตฺวาน เอกโตฯ

[19]

ราชานํ ตํ คเหตฺวาน, รุนฺธิตฺวาน สเก ฆเร;

สยํ รชฺชํ วิจาเรสุํ, รญฺโญ เทวี ตทา สกํฯ

[20]

ปุตฺตํ จนฺทมุขสิวํ, มณฺฑยิตฺวา กุมารกํ;

ทตฺวาน หตฺเถ ธาตีนํ, มงฺคลหตฺถิ สนฺติเกฯ

[21]

เปเสสิ วตฺวา สนฺเทสํ, เนตฺวา ตํ ธาติโย ตหิํ;

วทิํสุ เทวิสนฺเทสํ, สพฺพํ มงฺคล หตฺถิโนฯ

[22]

‘‘อยํ เต สาธิโน ปุตฺโต,

สามิโก จารเก ฐิโต;

อริหิ ฆาตโต เสโส,

ตยา ฆาโต อิมสฺส ตุฯ

[23]

ตฺวเมนํ กิร ฆาเตหิ, อิทํ เทวิวโจ’’อิติ;

วตฺวา ตุ สยาเปสุํ, ปาทมูลมฺหิ หตฺถิโนฯ

[24]

ทุกฺขิโต โส รุทิตฺวาน, นาโค เภตฺวาน อาฬกํ;

ปวิสิตฺวา มหาวตฺถุํ, ทฺวารํ ปาติย ถามสาฯ

[25]

รญฺโญ นิสินฺนงฺคณมฺหิ, อุคฺฆาเฏตฺวา กวาฏกํ;

นิสีทาปิย ตํ ขนฺเธ, มหาติตฺถมุปาคมิฯ

[26]

นาวํ อาโร ปยิตฺวาน, ราชานํ ตตฺถ กุญฺชโร;

ปจฺฉิโม ทธิตีเรน, สยํ มลย มารุหีฯ

[27]

ปรตีเร วสิตฺวา โส, ตีณิวสฺสานิ ขตฺติโย;

พลกายํ คเหตฺวาน, อาคา นาวาติ โรหณํฯ

[28]

ติตฺเถ สกฺขรโสพฺภมฺหิ, โอตริตฺวาน ภูปติ;

อกาสิ โรหเณ ตตฺถ, มหนฺตํ พลสงฺคหํฯ

[29]

รญฺโญ มงฺคลหตฺถิโส, ทกฺขิณํ มลยํ ตโต;

โรหณํเย’วุปาคญฺฉิ, ตสฺส กมฺมานิ กาตเวฯ

[30]

มหาปทุมนามสฺส, ตตฺถ ชาตกภาณิโน;

ตุลาธารวฺหวาสิสฺส, มหาเถรสฺส สนฺติเกฯ

[31]

กปิชาตกํ สุตฺวาน, โพธิสตฺเต ปสาทวา;

นาคมหาวิหารํ โส, ชิยามุตฺตธนุสฺสตํฯ

[32]

กตฺวา กาเรสิ ถูปญฺจ, วฑฺฒาเปสิ ยถาฐิตํ;

ติสฺสวาปิญฺจ กาเรสิ, ตถา ทุรวฺหวาปิกํฯ

[33]

โส คเหตฺวา พลํ ราชา, ยุทฺธาย อภินิกฺขมิ;

ตํ สุตฺวา ลมฺพกณฺณา จ, ยุทฺธาย อภิสํยุตาฯ

[34]

ปปลฺลกฺขนฺธทฺวารมฺหิ, เขตฺเต หิงฺกรวาปิเก;

ยุทฺธํ อุภินฺนํ วตฺติตฺถ, อญฺญมญฺญวิเหสนํฯ

[35]

นาวากิลนฺตเทหตฺตา, โปสา สีทนฺติ ราชิโน;

ราชา นามํ สาวยิตฺวา, สยํ ปาวิสิ เตน โสฯ

[36]

เตน ภีตาลมฺพกณฺณา, สยิํสุ อุทเรน โส;

เตสํ สีสานิ ฉินฺทิตฺวา, รตนาภิสมํกริฯ

[37]

ติกฺขตฺตุเมวนฺตุกเต, กรุณาย มหีปติ;

‘‘อมาเรตฺวา’ว คณฺหาถ, ชีวคฺคาห’นฺติ อพฺรุวิฯ

[38]

ตโต วิชิตสงฺคาโม, ปุรํ อาคมฺม ภูปติ;

ฉตฺตํ อุสฺสาปยิตฺวาน ติสฺสวาปิ ฉณํ อคาฯ

[39]

ชลกีฬาย อุคฺคนฺตฺวา, สุมณฺฑิตปสาธิโต;

อตฺตโน สิริสมฺปตฺติํ, ทิสฺวา ตสฺสนฺตรายิเกฯ

[40]

ลมฺพกณฺเณ สริตฺวาน, กุทฺโธ โส โยชยีรเถ;

ยุคปรมฺปรา เตสํ, ปุรโต ปาวิสี ปุรํฯ

[41]

มหาวตฺถุสฺส อุมฺมาเร, ฐตฺวา ราชาณเปสิ โส;

‘‘อิเมสํ สีสมุมฺมาเร, อสฺมิํ ฉินฺทถ โภ’’อิติฯ

[42]

โคณา เอเตรเถ ยุตฺตา, ตว โหนฺติ รเถสภ;

สิงฺคํขุรญฺจ เอเตสํ, เฉทาปยต โภ’’อิติฯ

[43]

มาตุยา อถ สญฺญตฺโต, สีสจฺเฉทํ นิวาริย;

นาสญฺจ ปาทงฺคุฏฺฐญฺจ, เตสํ ราชา อเฉทยิฯ

[44]

หตฺถิวุตฺถํ ชนปทํ, อทา หตฺถิสฺส ขตฺติโย;

หตฺถิโภโค ชนปโท, อิติ เตนาสิ นามโตฯ

[45]

เอวํ อนุราธปุเร, อิฬานาโค มหีปติ;

ฉพฺพสฺสานิ อนุนานิ, รชฺชํ กาเรสิ ขตฺติโยฯ

[46]

อิฬนาคจฺจเย ตสฺส, ปุตฺโต จนฺทมุโขสิโว;

อฏฺฐวสฺสํ สตฺตมาสํ, ราชา รชฺชมการยิฯ

[47]

มณิการคาเม วาปิ, การาเปตฺวา มหีปติ;

อิสฺสรสมณวฺหสฺส, วิหารสฺส อทาสิ โสฯ

[48]

ตสฺส รญฺโญ มเหสี จ, สงฺคาเม ปตฺติมตฺตโน;

ตสฺเสวา’ทา วิหารสฺส, ทมิฬเทวีติ วิสฺสุตาฯ

[49]

ตํ ติสฺสวาปี กีฬาย, หนฺตฺวา จนฺทมุขํ สิวํ;

ยสฬาลกติสฺโส’ติ, วิสฺสุโต ตงฺกนิฏฺฐโกฯ

[50]

อนุราธปุเร รมฺเม, ลงฺกาภุวทเน สุเภ;

สตฺตวสฺสานฏฺฐมาเส, ราชา รชฺชมการยิฯ

[51]

โทวิริกสฺส ทตฺตสฺส, ปุตฺโถ โทวาริโก สยํ;

รญฺโญ สทิสรูเปน, อโหสิ สุภนามวาฯ

[52]

สุภํ พลตฺถํ ตํ ราชา, ราชภูสาย ภูสิย;

นิสิทาปิย ปลฺลงฺเก, หาสตฺถํ ยสฬาลโกฯ

[53]

สีสโจฬํ พลตฺถสฺส, สสีเส ปฏิมุญฺจิย;

ยฏฺฐิํ คเหตฺวา หตฺเถน, ทฺวารมูเล ฐิโต สยํฯ

[54]

วนฺทนฺเตสุ อมจฺเจสุ, นิสินฺนํ อาสนมฺหิ ตํ;

ราชา หสติ เอวํ โส, กุรุเต อนฺตรนฺตราฯ

[55]

‘‘พลตฺโถ เอกทิวสํ, ราชานํ หสมานกํ;

อยํ พลตฺโถ กสฺมา เม, สมฺมุขาหสตี’’ติ โสฯ

[56]

มาราปยิตฺวา ราชานํ, พลตฺโถ โส สุโภ อิธ;

รชฺชํ กาเรสิ ฉพฺพสฺสํ, สุภราชาติ วิสฺสุโตฯ

[57]

ทฺวิสุ มหาวิหาเรสุ, สุภราชา มโนรมํ;

ปริเวณปนฺติํ สุภ-นามกํเยว การยิฯ

[58]

อุรุเวลสมีปมฺหิ, ตถา เวลฺลิวิหารกํ;

ปุรตฺถิเม เอกทฺวารํ, คงฺคนฺเต นนฺทิคามกํฯ

[59]

ลมฺพกณฺณสุโต เอโก, อุตฺตรปสฺสวาสิโก;

เสนาปติมุปฏฺฐาสิ, วสโภ นาม มาตุลํฯ

[60]

เหสฺสติ วสโภ นาม, ราชา’ติ สุติยาสทา;

ฆาเตติ ราชาทีปมฺหิ, สพฺเพ วสภนามเกฯ

[61]

‘‘รญฺโญ ทสฺสาม วสตํ, อิม’’นฺติ ภริยาย โส;

เสนาปติมนฺตยิตฺวา, ปาโต ราชกุลํ อคาฯ

[62]

คจฺฉโต เตน สหสา, ตมฺพุลํ จุณฺณวชฺชิตํ;

หตฺถมฺหิ วสภสฺสา’ทา, ตํ สาธุ ปริรกฺขิตุํฯ

[63]

ราชเคหสฺส ทฺวารมฺหิ, ตมฺพุลํ จุณฺณวชฺชิตํ;

เสนาปติ อุทิกฺขิตฺวา, ตํ จุณฺณตฺถํ วิสชฺชยิฯ

[64]

เสนาปติสฺส ภริยา, จุณฺณตฺถํ วสภํ คตํ;

วตฺวา รหสฺสํ ทตฺวา จ, สหสฺสํ ตํ ปลาปยิฯ

[65]

มหาวิหารฐานํ โส, คนฺตฺวาน วสโภ ปน;

ตตฺถ เถเรหิ ขิรนฺน-วตฺเถหิ กตสงฺคโหฯ

[66]

ตโต ปรํ กุฏฺฐิโน จ, ราชภาวาย นิจฺฉิตํ;

สุตฺวาน วจนํหฏฺโฐ, ‘‘โจโร เหสฺส’’นฺติ นิจฺฉิโตฯ

[67]

ลทฺธสมตฺถปุริเส, คามฆาตํ ตโต ปรํ;

กโรนฺโต โรหณํ คนฺตฺวา, กปลฺลปุโวปเทสโตฯ

[68]

กเมน รฏฺฐํ กณฺหนฺโถ, สมฺปตฺตพลวาหโน;

โส ราชา ทฺวีหิ วสฺเสหิ, อาคมฺม ปุรสนฺติกํฯ

[69]

สุภราชํ รเณ หนฺตฺวา, วสโภ โส มหพฺพโล;

อุสฺสาปยิ ปุเรภตฺตํ, มาตุโล’ปิ รเณ ปติฯ

[70]

ตํ มาตุลสฺส สริรํ, ปุพฺพภูโตปการิกํ;

อกาสิ วสโภ ราชา, มเหสิํ เมตฺตนามิกํฯ

[71]

โสโหรปาฐกํ ปุจฺฉิ, อายุปฺปมาณมตฺตโน;

‘‘อาห ทฺวาทสวสฺสานิ’’, รโหเยวสฺส โสปิ จฯ

[72]

รหสฺสํ รกฺขณตฺถาย, สหสฺสํ ตสฺสา ทาปิย;

สงฺฆํ โส สนฺนิปาเตตฺวา, วนฺทิตฺวา ปุจฺฉิ ภูปติฯ

[73]

‘‘สิยานุ ภนฺเต อายุสฺส, วฑฺฒนการณํ’’อิติ;

‘‘อตฺถี’’ติ สงฺโฆ อาจิกฺขิ, อนฺตรายวิโมจนํฯ

[74]

ปริสฺสาวนทานญฺจ, อาวาสทาน เมว จ;

คิลานวตฺตทานญฺจ, ทาตพฺพํ มนุชาธิปฯ

[75]

‘‘กาตพฺพํ ชิณฺณกาวาส-ปฏิสงฺขรณํ ตถา;

ปญฺจสีลสมาทานํ, กตฺวา ตํ สาธุรกฺขิยํฯ

[76]

อุโปสถูปวาโส จ, กตฺตพฺโพ’ โปสเถ’’อิติ;

ราชา สาธูติ คนฺตฺวาน, ตถา สพฺพํ มกาสิ โสฯ

[77]

ติณฺณํ ติณฺณญฺจ วสฺสานํ, อจฺจเยน มหีปติ;

ทีปมฺหิ สพฺพสงฺฆสฺส, ติจีวรมทาปยิฯ

[78]

อนาคตานํ เถรานํ, เปสยิตฺวาน ทาปยิ;

ทฺวตฺติํสายหิ ฐาเนสุ, ทาเปสิ มธุปายสํฯ

[79]

จตุสฏฺฐิยา จ ฐาเนสุ, มหาทานํตุ มิสฺสกํ;

สหสฺสวฏฺฏิ จตุสุ, ฐาเนสุ จ ชลาปยิฯ

[80]

เจติยปพฺพเต เจว, ถูปาราเม จ เจติเย;

มหาถูเป มหาโพธิ-ฆเร อิติ อิเมสุ หิฯ

[81]

จิตฺตลกูเฏ กาเรสิ, ทสถูเป มโนรเม;

ทีเป’ขิลมฺหิ อาวาเส, ชิณฺเณ จ ปฏิสงฺขริฯ

[82]

วลฺลิเยรวิหาเร จ, เถรสฺส โส ปสีทิย;

มหาวลฺลิโคตฺตํ นาม, วิหารญฺจ อการยิฯ

[83]

กาเรสิ อนุรารามํ, มหาคามสฺส สนฺติเก;

เหฬิคามฏฺฐกริส, สหสฺสํ ตสฺส ทาปยิฯ

[84]

มุเจลวิหารํ กาเรตฺวา, โส ติสฺสวฑฺฒมานเก;

อาฬิสาโรทกภาคํ, วิหารสฺส อทาปยิฯ

[85]

กลมฺพติตฺเถ ถูปมฺหิ, กาเรสิฏฺฐิกกญฺจุกํ;

กาเรสุโปสถา คารํ, วฏฺฏิเตลตฺถ มสฺสตุฯ

[86]

สหสฺสกรีสวาปิํโส , การาเปตฺวา อทาสิ จ;

กาเรสุโปสถาคารํ, วิหาเร กุมฺภิคลฺลเกฯ

[87]

โสเย’วุ โปสถาคารํ, อิสฺสรสมณเก อิธ;

ถูปาราเมถูปฆรํ, การาเปสิ มหีปติฯ

[88]

มหาวิหาเร ปริเวณ, ปนฺติํ ปจฺฉิมเปกฺขินิํ;

กาเรสิ จ จตุสาลญฺจ, ชิณฺณกํ ปฏิสงฺขริฯ

[89]

จตุพุทฺธปฏิมารมฺมํ, ปฏิมานํฆรํตถา;

มหาโพธิงฺคเณ รมฺเม, ราชา โสเยว การยิฯ

[90]

ตสฺส รญฺโญ มเหสี สา, วุตฺตนามา มโนรมํ;

ถูปํ ถูปฆรญฺเจว, รมฺมํ ตเถว การยิฯ

[91]

ถูปาราเม ถูปฆรํ, นิฏฺฐาเปตฺวา มหีปติ;

ตสฺส นิฏฺฐาปิตมเห, มหาทานมทาสิ จฯ

[92]

ยุตฺตานํ พุทฺธวจเน, ภิกฺขูนํ ปจฺจยมฺปิ จ;

ภิกฺขูนํ ธมฺมกถิกานํ, สปฺปิผาณิตเมว จฯ

[93]

นครสฺส จตุทฺวาเร, กปณวฏฺฏญฺจ ทาปยิ;

คิลานานญฺจ ภิกฺขูนํ, คิลานวฏฺฏเมว จฯ

[94]

มเยตฺติํ ราชุปฺปลวาปิํ, วหโกลมฺพคามกํ;

มหานิก วิตฺตวาปิํ, มหาราโมตฺติ เมว จฯ

[95]

เกหาลํ กาฬิวาปิญฺจ, จมฺพุฏฺฐิํ วาตมงฺคนํ;

อภิวฑฺฒมานกญฺจ, อิจฺเจกาทส วาปิโยฯ

[96]

ทฺวาทส มาติกา เจว, สุภิกฺขตฺถมการยิ;

คุตฺตตฺถ ปุรปาการํ, เจว มุจฺจมการยิฯ

[97]

โคปุรญฺจ จตุทฺวาเร, มหาวตฺถุญฺจ การยิ;

สรํ กาเรสิ อุยฺยาเน, หํเสตตฺถวิสชฺชยิฯ

[98]

ปุเร พหู โปกฺขรณี, การาเปตฺวา ตหิํ ตหิํ;

อุมฺมคฺเคน ชลํ ตตฺถ, ปเวเสสิ มหีปติฯ

[99]

เอวํ นานาวิธํ ปุญฺญํ, กตฺวา วสภภูปติ;

หตนฺตราโย โส หุตฺวา, ปุญฺญกมฺเม สทาทโรฯ

[100]

จตุตฺตาสีสวสฺสานิ, ปุเร รชฺชมการยิ;

จตุตฺตาลีสเวสาข, ปูชา โย จ อการยิฯ

[101]

สุภราชา ธรนฺโต โส, อตฺตโน เอกธีตรํ;

วสเภน ภยาสํกี, อปฺเปสิ’ฐิก วฑฺฒกิํฯ

[102]

อตฺตโน กมฺพลญฺเจว, ราชา ภณฺฑานิ จ’ปฺปยิ;

วสเภน หเต ตสฺมิํ, ตมาทาสิฏฺฐวฑฺฒกีฯ

[103]

ธีติฐาเน ฐเปตฺวาน, วฑฺเฒติ อตฺตโน ฆเร;

สกมฺมํ กรโต ตสฺส, ภตฺตํ อาหริ ทาริกาฯ

[104]

สา นิโรธสมาปนฺนํ, ตทมฺพปุปฺผ คุมฺพเก;

สตฺตเม ทิวเส ทิสฺวา, ภตฺตํ เมธาวีนี อทาฯ

[105]

ปุน ภตฺตํ รนฺธยิตฺวา, ปิตุโน ภตฺตมาหริ;

ปปญฺจการณํ ปุฏฺฐา, ตมตฺถํ ปิตุโน วทิฯ

[106]

ตุฏฺโฐ ปุนปฺปุนญฺเจ’โส, ภตฺตํ เถรสฺส ทาปยิ;

วิสฺสตฺโถ’นาคตํ ทิสฺวา, เถโร อาห กุมาริกํฯ

[107]

‘‘ตวอิสฺสริเยชาเต, อิมํ ฐานํ กุมาริเก;

สเรยฺยาสี’ติ เถโร ตุ, ตทา จ ปรินิพฺพุโตฯ

[108]

สเก โส วสโภ ราชา, วยปฺปตฺตมฺหิ ปุตฺตเก;

วงฺกนาสิกติสฺสมฺหิ, กญฺญํตสฺสานุรูปิกํฯ

[109]

คเวสาเปสิ ปุริสา, ตํ ทิสฺวาน กุมาริกํ;

อิฏฺฐกวฑฺฒกีคาเม, อิตฺถิลกฺขณ โกวิทาฯ

[110]

รญฺโญ นิเวทยุํ ราชา, ตมาณาเปตุมารภิ;

ตสฺสาห ราชธีตตฺตํ, อิฏฺฐกวฑฺฒกี ตทาฯ

[111]

สุภรญฺโญ ตุ ธีตตฺตํ, กมฺพลาทีหิ ญาปยิ;

ราชา ตุฏฺโฐ สุตสฺสา’ทา, ตํ สาธุ กตมงฺคลํฯ

[112]

วสภสฺสจฺจเย ปุตฺโต, วงฺกนาสิก ติสฺสโก;

อนุราธปุเร รชฺชํ, ตีณิ วสฺสานิ การยิฯ

[113]

โส โคณนทิยา ตีเร, มหามงฺคลนามกํ;

วิหารํ การยิ ราชา, วงฺกนาสิกติสฺสโกฯ

[114]

มหามตฺตา ตุ เทวี สา, สรนฺตี เถรภาสิตํ;

วิหารการณตฺถาย, อกาสิ ธนสญฺจยํฯ

[115]

วงฺกนาสิกติสฺสสฺส, อจฺจเย การยี สุโต;

รชฺชํ พาวีสวสฺสานิ, คชฺชพาหุกคามณิฯ

[116]

สุตฺวา โส มาตุวจนํ, มาตุทตฺถาย การยิ;

กทมฺพปุปฺผฐานมฺหิ, ราชมาตุวิหารกํฯ

[117]

มาตา สตสหสฺสํ สา, ภูมิอตฺโถย ปณฺฑิตา;

อทา มหาวิหารสฺส, วิหารญฺจ อการ ยิฯ

[118]

สยเมว อกาเรสิ, ตตฺถ ถูปํ สิลามยํ;

สงฺฆโภคญฺจ ปาทาสิ, กิณิตฺวาน ตโต ตโตฯ

[119]

อภยุตฺตร มหาถูปํ, วฑฺฒาเปตฺวา จิตาปยิ;

จตุทฺวาเร จ ตตฺเถว, อาทิมุขมการยิฯ

[120]

คามณิติสฺสวาปิํ โส, การาเปตฺวา มหีปติ;

อภยคิริ วิหารสฺส, ปากวฏฺฏาย’ทาสิ จฯ

[121]

มริจวฏฺฏิกถูปมฺหิ, กญฺจุกญฺจ อการยิ;

กิณิตฺวา สตสหสฺเสน, สงฺฆโภคมทาสิ จฯ

[122]

กาเรสิ ปจฺฉิเม วสฺเส, วิหารํ รามกวฺหยํ;

มเหชสนสาลญฺจ, นครมฺหิ อการยิฯ

[123]

คชพาหุสฺสจฺจเยน, สสุโร ตสฺส ราชิโน;

รชฺชํ มหลฺลโก นาโค, ฉพฺพสฺสานิ อการยิฯ

[124]

ปุรตฺถิเม เปชลกํ, ทกฺขิเณ โกฏิ ปพฺพตํ;

ปจฺฉิเม ทกปาสาเณ, นาคทีเป สาลิปพฺพตํฯ

[125]

พีชคาเม ตนเวฬิํ, โรหเณ ชนปเท ปน;

โตพฺพลนาคปพฺพตญฺจ, อนฺโตฏฺเฐ คิริหาลิกํฯ

[126]

เอเต สตฺต วิหาเร โส, มหลฺลนาคภูปติ;

ปริตฺเตนปิ กาเลน, การาเปสิ มหามตีฯ

[127]

เอวํ อสาเรหิ ธเนหิ สารํ,

ปุญฺญานิ กตฺวาน พหูนิ ปญฺญา;

อาเทนฺติ พาลา ปน กาม เหตุ,

พหูนิ ปาปานิ กโรนฺตา โมหา’ติฯ

สุชนปฺปสาทสํเวคตฺถาย กเต มหาวํเส

ทฺวาทส ราชโก นาม

ปญฺจติํสติโม ปริจฺเฉโทฯ

ฉตฺติํสติม ปริจฺเฉท