หตฺถาฬฺหกสมีปมฺหิ , กโต ภิกฺขุนุปสฺสโย;
หตฺถาฬฺหกวิหาโรติ, วิสฺสุโต อาสิ เตน โสฯ
[83]
สุมิตฺตา สงฺฆมิตฺตา สา, มหาเถรี มหามตี;
ตสฺมิญฺหิ วาสํ กปฺเปสิ, รมฺเม ภิกฺขุนุปสฺสเยฯ
[84]
เอวํ ลํกา โลกหิตํ สาสนวุทฺธิํ;
สํโสเธนฺโต เอส มหาโพธิ ทุมินฺโท;
ลํกาทีเป รมฺเม มหาเมฆวนสฺมิํ,
อฏฺฐา สีฆํ กาลมเนกพฺภูตยุตฺโตติฯ
สุชนปฺปสาทสํเวคตฺถาย กเต มหาวํเส
โพธิอาคมโน นาม
เอกูนวีสติโม ปริจฺเฉโทฯ
วีสติม ปริจฺเฉท
เถรปรินิพฺพานํ
[1]
อฏฺฐารสมฺหิ วสฺสมฺหิ, ธมฺมาโสกสฺส ราชิโน;
มหาเมฆวนาราเม, มหาโพธิ ปติฏฺฐติฯ
[2]
ตโต ทฺวาทสเม วสฺเส, มเหสี ตสฺส ราชิโน;
ปิยา อสนฺธีมิตฺตา สา, มตา สมฺพุทฺธมามกาฯ
[3]
ตโต จตุตฺเถ วสฺสมฺหิ, ธมฺมาโสโก มหีปติ;
ติสฺสรกฺข มเหสิตฺเต, ฐเปสิ วิสมาสยํฯ
[4]
ตโต ตุ ตติเย วสฺเส, สาพาลา รูปมานินี;
‘‘มยาปิ จ อยํ ราชา, มหาโพธิํ ม มายติ’’ฯ
[5]
อิติ โกธวสํ คนฺตฺวา, อตฺตโน’นตฺถ การิกา;
มณฺฑุกณฺฏกโยเคน, มหาโพธิ มฆา ตยิฯ
[6]