ชิณฺณญฺจ ทิสฺวา พฺยาธิกํ มตญฺจ, อวฺหายิตํ ปพฺพชิตญฺจ ทิสฺวา; โอหาย ปพฺพชฺชมุเปติ กาเม, พุทฺโธ อยํ เหสฺสติ วีตราโคฯ อคาริยสมฺปตฺติทีปนีคาถา กาลกฺกเมน จนฺโท ว วฑฺฒนฺโต วฑฺฒิเต กุเล, ปุญฺโญทเยนุเทนฺโต โส ภาณุมา วิย อมฺพเรฯ สิทฺธถโก หิ สิทฺธตฺโถ ลทฺธา เทวิํ ยโสธรํ, จตฺตาลีสสหสฺเสหิ ปูริตฺถีหิ ปุรกฺขิโตฯ รมฺมสุรมฺมสุเภสุ ฆเรสุ, ติณฺณมุตูนมนุจฺฉวิเกสุ; ทิพฺพสุขํ วิย ภุญฺชิ สุขํ โส, อจฺฉริยพฺภุตราชวิภูติํฯ เนกฺขมฺมชฺฌาสยทีปนียมกคาถา ฯ นโม ตสฺส ยโต มหิมโต ยสฺส ตโม นฯ |