ชาโต โย นวเม ขเณ สุตธโร สีเลน สุทฺธินฺทฺริโย สํสารํ อยโต ภวกฺกยกรํ ทิสฺวา สิวํ เขมโต, ตํ สมฺปาปกมคฺคเทสกมุนิํ สมฺปูชยนฺโต ตโต อุทฺธานุสฺสติภาวนาทิกมโต สมฺปาทเย ตํ สิวํฯ วตฺถุวิโสธนีคาถา พุทฺโธติ โก พุทฺธคุโณ ติ โก โส, อจินฺตยาทิตฺตมุปาคโต โย; อนญฺญสาธารณภูตมตฺถํ, อกาสิ กิํ โส กิมโวจ พุทฺโธฯ วิสุทฺธขนฺธสนฺตาโน พุทฺโธติ นิยโม กโต, ขนฺธสนฺตานสุทฺธี ตุ คุโณติ นิยโม กโตฯ อกาสิ กิจฺจานิ ทิเนสุ ปญฺจ, ปสาทยญฺจิทฺธิพเลน เสน; ชนานเสสํ จริยานุกูลํ, ญตฺวานโวจานุสยปฺปหานํฯ อนญฺญสาธารณทีปนีคาถา |