เมนู

[176]

อิทฺธิ จ อาเทสนานุสาสนี,

ปาฏิหีเร ภควา วสี อหุ;

กตฺวาน อจฺเฉรสุปาฏิหีรํ,

เทเสสิ ธมฺมํ อนุกมฺปิมํ ปชํฯ

นวคุณทีปนีคาถา

[177]

เอวํ หิ พุทฺธตฺตมุปาคโต โส,

เทเสสิ ธมฺมํ สนรามรานํ;

นานานเยหีภิสเมสิ สตฺเต,

ตสฺมา หิ ฌาโต ติภเวสุ นาโถฯ

[178]

อทฺธา ลทฺธา ธมฺมาโลกํ,

ทิฏฺฐา ปตฺตา ญาตา สจฺจํ;

ติญฺญาราคาโทสโมหา,

โถเมสุํ เต เทวา พฺรหฺมาฯ

[179]

มุนิราชวโร นรราชวโร,

ทิวิเทววโร สุจิพฺรหฺมวโร;

สกปาปหโร ปรปาปหโร,

สกวุฑฺฒิกโร ปรวุฑฺฒิกโรฯ

[180]

สนรามรุพฺรหฺมคเณภิ รุตา,

อรหาทิคุณา วิปุลา วิมลา;

นวธา วสุธาคคเณ,

สกเล ติทิเว ติภเว วิสฏาฯ

[181]

เย ปิสฺส เต ภควโต จ อจินฺติยาที,

สุทฺธาติสุทฺธตรพุทฺธคุณา หิ สพฺเพ;

สงฺเขปโต นววิเธสุ ปเทสุ ขิตฺตา,

วกฺขามิ ทานิ อรหาทิคุเณ อหํ ปิฯ

[182]

โย จีธ ชาโต อรหํ นิราโส,

สมฺมาภิสมฺพุทฺธสมนฺตจกฺขุ;

สมฺปนฺนวิชฺชาจรโณฆติณฺโณ,

สมฺมาคโต โส สุคโต คโต วฯ

[183]

อเวทิ โส โลกมิมํ ปรญฺจ,

อมุตฺตโร สารถิทมฺมสตฺเต;

สเทวกานํ วรสตฺถุกิจฺจํ,

อกาสิ พุทฺโธ ภควา วิสุทฺโธฯ

คุณทีปนีคาถา