เอกนฺตเมว สปรตฺถปโร มเหสิ, เอกนฺตเมว ทสปารมิตาพเลน; เอกนฺตเมว หตมารพเลน เตน, เอกนฺตเมว สุวิสุทฺธมลตฺถ โพธิํฯ มหาปธานทีปนีคาถา โอโรหิโตโตหิตปาปธมฺโม, ฉนฺเนน ส ฉนฺนหเยน คนฺตฺวา; อโนมตีรมฺหิ อโนมสตฺโต, อโนมปพฺพชฺชมุปาคโต โสฯ นิรามิสํ ปีติสุขํ อนูปมํ, อนูปิเย อมฺพวเน อลตฺถ; สรูปโสภาย วิรูปโสภํ, สราชิกํ ราชคหํ กริตฺถฯ ตโต อฬาร อูทกตาปสานํ, ฌาเนนสนฺตุฏฺฐมโน วิหาย; มหาปธานาย อุรุเวลภูมิํ, คโต สิขปฺปตฺตมกาสิ ทุกฺกรํฯ น กามโต เนวติทุกฺกรมฺหิ, สพฺพญฺญุตา สิชฺฌติ มชฺฌิมาย; ญตฺวาน ตํ ปุพฺพคุโณปลทฺธํ, ธมฺมํ สมาเนตุมคา สุโพธิํฯ มารปราชยทีปนีคาถา |