[68] ฉฏฺฐี สมฺพนฺเธ [ก. 30; รู. 92, 315; นี. 609; จํ. 2.1.95; ปา. 2.3.50]ฯ
นามสฺมา สมฺพนฺธตฺเถ ฉฏฺฐีวิภตฺติ โหติฯ
ปุริสสฺส ธนํ, ปุริสานํ ธนํฯ
[69] สตฺตมฺยาธาเร [ก. 312; รู. 94, 319; นี. 630; จํ. 2.1.88; ปา. 2.3.36; 1.3.45]ฯ
นามสฺมา อาธารตฺเถ สตฺตมีวิภตฺติ โหติฯ
ปุริสสฺมิํ ติฏฺฐติ, ปุริเสสุ ติฏฺฐติฯ
วิภตฺติราสิ นิฏฺฐิโตฯ
อิตฺถิปจฺจยราสิ
[70] อิตฺถิยมตฺวา [ก. 237; รู. 176; นี. 466; จํ. 2.3.15; ปา. 4.1.4]ฯ
อิตฺถิยํ+อโต+อาติ เฉโทฯ อการนฺตนามมฺหา อิตฺถิยํ อาปจฺจโย โหติฯ
อภาสิตปุเมหิ เกหิจิ สญฺญาสทฺเทหิ นิจฺจํ –
กญฺญา, ปญฺญา, สญฺญา, นาวา, สาลา, ตณฺหา, อิจฺฉา, ภิกฺขา, สิกฺขา, คีวา, ชิวฺหา, วีสา, ติํสา, จตฺตาลีสา, ปญฺญาสา อิจฺจาทิฯ
ภาสิตปุเมหิปิ สพฺพนาเมหิ ตพฺพา, นีย, ตปจฺจยนฺเตหิ จ นิจฺจํ –
สพฺพา, กตรา, กตมา, อนุภวิตพฺพา, อนุภวนียา, คตา, ชาตา, ภูตา, หูตา อิจฺจาทิฯ