เมนู

มหาวุตฺตินา ตกาเร กรสฺส กุตฺตํ, กฺริยา กุตฺติ, สรกุตฺติ, อิตฺถิกุตฺตํ, ปุริสกุตฺตํ, ชเนตีติ ชเนตฺติ, อีอาคมสฺส เอตฺตํ , พนฺธียเตติ พนฺธติ, ปชฺชตีติ ปตฺติ, ปทาติ วา, อีอาคมสฺส อาตฺตํ, วสนฺติ เอตฺถาติ วสติ-เคหํ, วสนํ วา วสติ อิจฺจาทิฯ

[802] ชาหาหิ นิ

เอเตหิ นิ โหติฯ

ชา-หานิยํ, ชิยฺยเต ชานิ, ธนชานิ, โภคชานิ, มหนฺตี ชานิ อสฺสาติ มหาชานิโย, หิยฺยเต หานิ, วณฺณหานิ, พลหานิ, อายุหานิ, อวหานิ, ปริหานิฯ

[803] กรา ริริโย [ก. 554; รู. 601; นี. 1141]

กรมฺหา อิตฺถิยํ ริริโย โหติฯ

กรียเต กิริยา, นิปาตเนน กฺริยาติ สิชฺฌติฯ

อิติ อิตฺถิลิงฺครูปราสิฯ

รีริกฺขาทิปจฺจยราสิ

[804] สมานญฺญภวนฺตยาทิตูปมานา ทิสา กมฺเม รีริกฺขกา [ก. 642; รู. 588; นี. 1269]

สมาโน จ อญฺโญ จ ภวนฺโต จ ยาทิ จ เอเตหิ อุปมานภูเตหิ ปรํ ทิสมฺหา กมฺเมรี จ ริกฺโข จ โก จาติ เอเต ปจฺจยา โหนฺติ, รี, ริกฺเขสุ ‘รานุพนฺเธนฺตสราทิสฺสา’ติ สุตฺเตน ทิสสฺส อนฺตสฺสราทีนํ โลโป, กานุพนฺโธ อวุทฺธตฺโถ, ‘รีริกฺขเกสุ’อิจฺจาทีหิ สมาสสุตฺเตหิ ปุพฺพปทานํ รูปํ สาเธตพฺพํฯ

ย, ต, เอต, อิม, กิํ, ตุมฺห, อมฺห, ภวนฺต, สมาน, อญฺญ