สามญฺญวจนนฺติ กิํ? มาณวก เทวทตฺต! ตุยฺหํ ปริคฺคโหฯ
เอกตฺเถติ กิํ? เทวทตฺต! ยญฺญทตฺต! ตุมฺหากํ ปริคฺคโหฯ
[274] พหูสุ วา [จํ. 6.3.26; ปา. 8.1.74]ฯ
พหูสุ ชเนสุ ปวตฺตมานํ สามญฺญวจนภูตมฺปิ อามนฺตนปทํ เอกตฺเถ ปเท สติ อสนฺตํ วิย น โหติ วาฯ
พฺราหฺมณา คุณวนฺโต โว ปริคฺคโห, พฺราหฺมณา คุณวนฺโต ตุมฺหากํ ปริคฺคโหฯ
สพฺพาทิราสิ นิฏฺฐิโตฯ
วิภตฺติปจฺจยนฺตราสิ
อถ วิภตฺติปจฺจยา ทีปิยนฺเตฯ
วิภตฺยตฺถานํ โชตกตฺตา วิภตฺติฏฺฐาเน ฐิตา ปจฺจยา วิภตฺติปจฺจยาฯ
[275] โต ปญฺจมฺยา [ก. 248; รู. 260; นี. 493; จํ. 4.3.6; ปา. 5.4.45]ฯ
ปญฺจมิยา วิภตฺติยา อตฺเถ โตปจฺจโย โหติฯ
โตมฺหิ ทีฆานํ รสฺโส, กญฺญโต, รตฺติโต, อิตฺถิโต, เธนุโตฯ