เมนู

ขนฺธยมก

ปุจฺฉา – อภิธมฺมปิฏเก อาวุโส ฉฏฺเฐ ยมกปฺปกรเณ ทุติยํ ขนฺธยมกํ ภควตา กถํ วิตฺถารโต วิภชิตฺวา เทสิตํฯ

วิสฺสชฺชนา – อภิธมฺมปิฏเก ภนฺเต ฉฏฺเฐ ยมกปฺปกรเณ ทุติยํ ขนฺธยมกํ ‘‘ปญฺจกฺขนฺธา – รูปกฺขนฺโธ เวทนากฺขนฺโธ สญฺญากฺขนฺโธ สงฺขารกฺขนฺโธ วิญฺญาณกฺขนฺโธฯ รูปํ รูปกฺขนฺโธ, รูปกฺขนฺโธ รูปํฯ เวทนา เวทนากฺขนฺโธ, เวทนากฺขนฺโธ เวทนาฯ สญฺญา สญฺญากฺขนฺโธ, สญฺญากฺขนฺโธ สญฺญาฯ สงฺขารา สงฺขารกฺขนฺโธ, สงฺขารกฺขนฺโธ สงฺขาราฯ วิญฺญาณํ วิญฺญาณกฺขนฺโธ, วิญฺญาณกฺขนฺโธ วิญฺญาณ’’นฺติ เอวมาทินา ภควตา ปณฺณตฺติวารปวตฺติวารปริญฺญาวารสงฺขาเตหิ ตีหิ วาเรหิ วิตฺถารโต วิภชิตฺวา เทสิตํฯ