เมนู

หญฺจิ กามภวสฺส จ รูปภวสฺส จ อนฺตเร นตฺถิ อนฺตราภโว, โน จ วต เร วตฺตพฺเพ อตฺถิ อนฺตราภโวฯ

สฬายตนุปฺปตฺติกถา

ปุจฺฉา – อภิธมฺมปิฏเก อาวุโส ปญฺจเม กถาวตฺถุปฺปกรเณ จุทฺทสมวคฺเค ทุติยา สฬายตนุปฺปตฺติกถา อายสฺมตา มหาโมคฺคลิปุตฺตติสฺสตฺเถเรน กถํ วิตฺถารโต วิภชิตฺวา เทสิตาฯ

วิสฺสชฺชนา – อภิธมฺมปิฏเก ภนฺเต ปญฺจเม กถาวตฺถุปฺปกรเณ จุทฺทสเมวคฺเค ทุติยา สฬายตนุปฺปตฺติกถา ‘‘สฬายตนํ อปุพฺพํ อจริมํ มาตุกุจฺฉิสฺมิํ สณฺฐาตีติ, อามนฺตาฯ

สพฺพงฺคปจฺจงฺคี อหีนินฺทฺริโย มาตุกุจฺฉิสฺมิํ โอกฺกมตีติ, น เหวํ วตฺตพฺเพ’’ติ เอวมาทินา อายสฺมตา มหาโมคฺคลิปุตฺตติสฺสตฺเถเรน วิตฺถารโต วิภชิตฺวา กถิตาฯ

สฬายตนํ อปุพฺพํ อจริมํ มาตุกุจฺฉิสฺมิํ สณฺฐาติฯ

สพฺพงฺคปฺปจฺจงฺคี อหีนินฺทฺริโย มาตุกุจฺฉิสฺมิํ โอกฺกมติฯ

เหวํ วตฺตพฺเพฯ

อุปปตฺเตสิเยน จิตฺเตน จกฺขายตนํ สณฺฐาติฯ

อุปปตฺเตสิเยน จิตฺเตน หตฺถา สณฺฐนฺติ, ปาทา สณฺฐนฺติ, สีสํ สณฺฐาติ, กณฺโณ สณฺฐาติ, นาสิกา สณฺฐาติ, มุขํ สณฺฐาติ, ทนฺตา สณฺฐนฺติฯ

เหวํ วตฺตพฺเพฯ

ปุจฺฉา – เตนาวุโส ภควตา ยมกปาฏิหีราวสาเน ตาวติํสเทวโลกํ คนฺตฺวา ทสสหสฺสโลกธาตูหิ อาคมฺม สนฺนิสินฺนานํ เทวานํ อภิธมฺมเทสนํ เทเสนฺเตน ปฐมํ อภิธมฺมปิฏเก ปญฺจปฺปกรณานิ เทเสตฺวา ตทนนฺตรํ ฉฏฺฐํ ยมกปฺปกรณํ เทเสนฺเตน กติ ยมกปฺปกรณานิ วิภชิตฺวา เทสิตานิฯ

วิสฺสชฺชนา – ภควตา ภนฺเต ยมสฺส วิสยาตีเตน ยมกปาฏิหีราวสาเน ตาวติํสเทวโลกํ คนฺตฺวา ตตฺถ ทสสหสฺสโลกธาตูหิ อาคมฺม สนฺนิสินฺนานํ เทวตานํ อภิธมฺมปิฏกํ เทเสนฺเตน อภิธมฺมปิฏเก ปูริมานิ ปญฺจปฺปกรณานิ เทเสตฺวา ตทนนฺตรํ ฉฏฺฐํ ยมกปฺปกรณํ มูลยมกํ ขนฺธยมกํ อายตนยมกํ ธาตุยมกํ สจฺจยมกํ สงฺขารยมกํ อนุสยยมกํ จิตฺตยมกํ ธมฺมยมกํ อินฺทฺริยยมกนฺติ ทส ยมกปฺปกรณานิ วิตฺถารโต วิภชิตฺวา เทสิตานิฯ

มูลยมก

ปุจฺฉา – กถญฺจาวุโส ตตฺถ ภควตา ปฐมํ มูลยมกํ วิตฺถารโต วิภชิตฺวา เทสิตํฯ

วิสฺสชฺชนา – เย เกจิ กุสลา ธมฺมา, สพฺเพ เต กุสลมูลาฯ เย วา ปน กุสลมูลา, สพฺเพ เต ธมฺมา กุสลาฯ เย เกจิ กุสลา ธมฺมา, สพฺเพ เต กุสลมูเลน เอกมูลาฯ