ทุกปฏฺฐาน

ปุจฺฉา – เตนาวุโส…เป.… ติกปฏฺฐานาทีสุ ฉสุ อนฺโตคธปฏฺฐานาทีสุ ปฐมํ ติกปฏฺฐานํ เทเสตฺวา ตทนนฺตรํ ทุกปฏฺฐานํ กถํ วิตฺถารโต วิภชิตฺวา เทสิตํฯ

วิสฺสชฺชนา – อภิธมฺมปิฏเก ภนฺเต…เป.… ติกปฏฺฐานาทีสุ ฉสุ อนฺโตคธปฏฺฐานาทีสุ ปฐมํ ติกปฏฺฐานํ วิภชิตฺวา ตทนนฺตรํ ทุกปฏฺฐานํ ‘‘เหตุํ ธมฺมํ ปฏิจฺจ เหตุ ธมฺโม อุปฺปชฺชติ เหตุปจฺจยา, อโลภํ ปฏิจฺจ อโทโส อโมโห, อโทสํ ปฏิจฺจ อโลโภ อโมโห, อโมหํ ปฏิจฺจ อโลโภ อโทโสฯ โลภํ ปฏิจฺจ โมโห, โมหํ ปฏิจฺจ โลโภ, โทสํ ปฏิจฺจ โมโห, โมหํ ปฏิจฺจ โทโส’’ติ เอวมาทินา จฯ สรณํ ธมฺมํ ปฏิจฺจ สรโณ ทมฺโม อุปฺปชฺชติ เหตุปจฺจยา, สรณํ เอกํ ขนฺธํ ปฏิจฺจ ตโย ขนฺธา, ตโย ขนฺเธ ปฏิจฺจ เอโก ขนฺโธ, ทฺเว ขนฺเธ ปฏิจฺจ ทฺเว ขนฺธาฯ สรณํ ธมฺมํ ปฏิจฺจ อรโณ ธมฺโม อุปฺปชฺชติ เหตุปจฺจยา, สรโณ ขนฺเธ ปฏิจฺจ จิตฺตสมุฏฺฐานํ รูปํฯ สรณํ ธมฺมํ ปฏิจฺจ สรโณ จ อรโณ จ ธมฺมา อุปฺปชฺชนฺติ เหตุปจฺจยาฯ

สรณํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ, ตโย ขนฺเธ ปฏิจฺจ เอโก ขนฺโธ จิตฺตสมุฏฺฐานญฺจ รูปํ, ทฺเว ขนฺเธ ปฏิจฺจ ทฺเว ขนฺธา จิตฺตสมุฏฺฐานญฺจ รูป’’นฺติ เอวมาทินา จฯ เอเกกสฺมิํ ทุเก สตฺตหิ สตฺตหิ มหาวาเรหิ เอเกกสฺมิญฺจ มหาวาเร จตูหิ จตูหิ นเยหิ ภควตา วิตฺถารโต วิภชิตฺวา เทสิตํฯ

สรณํ ธมฺมํ ปฏิจฺจ สรโณ ธมฺโม อุปฺปชฺชติ เหตุปจฺจยา, สรณํ เอกํ ขนฺธํ ปฏิจฺจ ตโย ขนฺธา, ตโย ขนฺเธ ปฏิจฺจ เอโก ขนฺโธ, ทฺเว

ขนฺเธ ปฏิจฺจ ทฺเว ขนฺธา …

ทุกติกปฏฺฐาน ทุกทุกปฏฺฐาน

ปุจฺฉา – เตนาวุโส…เป.… ติกปฏฺฐานาทีสุ ฉสุ อนฺโตคธปฏฺฐาเนสุ ปฐมํ ติกปฏฺฐานญฺจ ทุติยํ ทุกปฏฺฐานญฺจ วิภชิตฺวา ตทวเสสานิ ทุกติกปฏฺฐานาทีนิ จตฺตาโร ปฏฺฐานานิ กถํ วิภชิตฺวา เทสิตานิฯ