อนนฺตรปจฺจยวิภงฺค
ปุจฺฉา – เตนาวุโส ภควตา…เป.… จตุตฺโถ อนนฺตรปจฺจยวิภงฺโค กถํ วิตฺถาเรน วิภชิตฺวา เทสิโตฯ
วิสฺสชฺชนา – อภิธมฺมปิฏเก ภนฺเต…เป.… จตุตฺโถ อนนฺตรปจฺจยวิภงฺโค ‘‘กุสโล ธมฺโม กุสลสฺส ธมฺมสฺส อนนฺตรปจฺจเยน ปจฺจโย, ปุริมา ปุริมา กุสลา ขนฺธา ปจฺฉิมานํ ปจฺฉิมานํ กุสลานํ ขนฺธานํ อนนฺตรปจฺจเยน ปจฺจโยฯ อนุโลมํ โคตฺรภุสฺส, อนุโลมํ โวทานสฺส, โคตฺรภุ มคฺคสฺส, โวทานํ มคฺคสฺส อนนฺตรปจฺจเยน ปจฺจโย’’ติ เอวมาทินา ภควตา วิตฺถารโต วิภชิตฺวา เทสิโตฯ
สหชาตปจฺจยวิภงฺค
ปุจฺฉา – เตนาวุโส…เป.… ฉฏฺโฐ สหชาตปจฺจยวิภงฺโค กถํ วิตฺถาเรน วิภชิตฺวา เทสิโตฯ
