เมนู

2-6. สีลสมฺปทาทิสุตฺตปญฺจกํ

[57-61] ‘‘สูริยสฺส , ภิกฺขเว, อุทยโต เอตํ ปุพฺพงฺคมํ เอตํ ปุพฺพนิมิตฺตํ, ยทิทํ – อรุณุคฺคํ; เอวเมว โข, ภิกฺขเว, ภิกฺขุโน อริยสฺส อฏฺฐงฺคิกสฺส มคฺคสฺส อุปฺปาทาย เอตํ ปุพฺพงฺคมํ เอตํ ปุพฺพนิมิตฺตํ, ยทิทํ – สีลสมฺปทา…เป.… ยทิทํ – ฉนฺทสมฺปทา…เป.… ยทิทํ – อตฺตสมฺปทา…เป.… ยทิทํ – ทิฏฺฐิสมฺปทา…เป.… ยทิทํ – อปฺปมาทสมฺปทา…เป.…ฯ ฉฏฺฐํฯ

7. โยนิโสมนสิการสมฺปทาสุตฺตํ

[62] ‘‘ยทิทํ – โยนิโสมนสิการสมฺปทาฯ โยนิโสมนสิการสมฺปนฺนสฺเสตํ, ภิกฺขเว, ภิกฺขุโน ปาฏิกงฺขํ – อริยํ อฏฺฐงฺคิกํ มคฺคํ ภาเวสฺสติ, อริยํ อฏฺฐงฺคิกํ มคฺคํ พหุลีกริสฺสติฯ กถญฺจ, ภิกฺขเว, ภิกฺขุ โยนิโสมนสิการสมฺปนฺโน อริยํ อฏฺฐงฺคิกํ มคฺคํ ภาเวติ, อริยํ อฏฺฐงฺคิกํ มคฺคํ พหุลีกโรติ? อิธ, ภิกฺขเว, ภิกฺขุ สมฺมาทิฏฺฐิํ ภาเวติ ราควินยปริโยสานํ โทสวินยปริโยสานํ โมหวินยปริโยสานํ…เป.… สมฺมาสมาธิํ ภาเวติ ราควินยปริโยสานํ โทสวินยปริโยสานํ โมหวินยปริโยสานํฯ เอวํ โข, ภิกฺขเว, ภิกฺขุ โยนิโสมนสิการสมฺปนฺโน อริยํ อฏฺฐงฺคิกํ มคฺคํ ภาเวติ, อริยํ อฏฺฐงฺคิกํ มคฺคํ พหุลีกโรตี’’ติฯ สตฺตมํฯ

สูริยเปยฺยาลวคฺโค ฉฏฺโฐฯ

ตสฺสุทฺทานํ –

กลฺยาณมิตฺตํ สีลญฺจ, ฉนฺโท จ อตฺตสมฺปทา;

ทิฏฺฐิ จ อปฺปมาโท จ, โยนิโส ภวติ สตฺตมํฯ

7. เอกธมฺมเปยฺยาลวคฺโค