ปุจฺฉา – ปวารณํ ปุจฺฉิสฺสํ, สนิทานํ สนิทฺเทสํฯ สมุกฺกฏฺฐปทานํ อาวุโส กติ อาปตฺติโยฯ
วิสฺสชฺชนา – ปวารณํ วิสฺสชฺชิสฺสํ, สนิทานํ สนิทฺเทสํฯ สมุกฺกฏฺฐปทานํ ภนฺเต ติสฺโส อาปตฺติโยฯ
5. จมฺมกฺขนฺธก
โสณมเถร วตฺถุ
ปุจฺฉา – อุปาหนํ อาวุโส ภควตา กตฺถ อนุญฺญาตํ, กํ อารพฺภ กิสฺมิํ วตฺถุสฺมิํ อนุญฺญาตํฯ
วิสฺสชฺชนา – ราชคเห ภนฺเต อายสฺมนฺตํ โสณํ อารพฺภ อนุญฺญาตํ, อายสฺมโต ภนฺเต โสณสฺส อจฺจารทฺธวีริยสฺส จงฺกมโต ปาทา ภิชฺชิํสุ, จงฺกโม โลหิเตน ผุโฏ อโหสิ, ตสฺมิํ ภนฺเต วตฺถุสฺมิํ อนุญฺญาตํฯ