เมนู

ตปนียสุตฺต

ปุจฺฉา – ตตฺเถว อาวุโส ตปนียสุตฺตํ ภควตา กถํ ภาสิตํฯ

วิสฺสชฺชนา – ทฺเวเม ภิกฺขเว ธมฺมา ตปนียาฯ กตเม ทฺเว, อิธ ภิกฺขเว เอกจฺจสฺส กายทุจฺจริตํ กตํ โหติ, อกตํ โหติ กาย สุจริตํ, วจีทุจฺจริตํ กตํ โหติ, อกตํ โหติ วจีสุจริตํ, มโนทุจฺจริตํ กตํ โหติ, อกตํ โหติ มโนสุจริตํฯ โส ‘‘กายทุจฺจริตํ เม กต’’นฺติ ตปฺปติ, ‘‘อกตํ เม กายสุจริต’’นฺติ ตปฺปติฯ วจีทุจฺจริตํ (ป) ‘‘มโนทุจฺจริตํ เม กต’’นฺติ ตปฺปติ, ‘‘อกตํ เม มโนสุจริต’’นฺติ ตปฺปติฯ อิเม โข ภิกฺขเว ทฺเว ธมฺมา ตปนียาติฯ เอวํ โข ภนฺเต ภควตา ภาสิตํฯ

อตปนียสุตฺต

ปุจฺฉา – จตุตฺถํ ปน อาวุโส อตปนียสุตฺตํ ภควตา กถํ ภาสิตํฯ

วิสฺสชฺชนา – จตุตฺถํ ภนฺเต อตปนียสุตฺตํ ‘‘ทฺเวเม ภิกฺขเว ธมฺมา อตปนียาฯ กตเม ทฺเว, อิธ ภิกฺขเว เอกจฺจสฺส กายสุจริตํ กตํ โหติ, อกตํ โหติ กายทุจฺจริตํฯ วจีสุจริตํ กตํ โหติ, อกตํ โหติ วจีทุจฺจริตํฯ มโนสุจริตํ กตํ โหติ, อกตํ โหติ มโนทุจฺจริตํฯ โส ‘กายสุจริตํ เม กต’นฺติ น ตปฺปติ, ‘อกตํ เม กายทุจฺจริต’นฺติ นตปฺปติฯ ‘วจีสุจริตํ…เป.… มโนสุจริตํ เม กต’นฺติ น ตปฺปติฯ ‘อกตํ เม มโนทุจฺจริต’นฺติ น ตปฺปติฯ อิเม โข ภิกฺขเว ทฺเว ธมฺมา อตปนียา’’ติฯ เอวํ โข ภนฺเต ภควตา ภาสิตํฯ