เมนู

โลกสุตฺต

ปุ – เตนาวุโส…เป.… สมฺมาสมฺพุทฺเธน องฺคุตฺตรนิกาเย จตุกฺกนิปาเต อุรุเวลวคฺเค ตติยํ โลกสุตฺตํ กถํ ภาสิตํฯ

วิ – อุรุเวลวคฺเค ภนฺเต ตติยํ โลกสุตฺตํ ‘‘โลโก ภิกฺขเว ตถาคเตน อภิสมฺพุทฺโธ, โลกสฺมา ตถาคโต วิสํยุตฺโต, โลกสมุทโย ภิกฺขเว ตถาคเตน อภิสมฺพุทฺโธ, โลกสมุทโย ตถาคตสฺส ปหีโน, โลกนิโรโธ ภิกฺขเว ตถาคเตน อภิสมฺพุทฺโธ โลกนิโรโธ ตถาคตสฺส สจฺฉิกโต, โลกนิโรธคามินี ปฏิปทา ภิกฺขเว ตถาคเตน อภิสมฺพุทฺธา, โลกนิโรธคามินิ ปฏิปทา ตถาคตสฺส ภาวิตา’’ติ เอวมาทินา ภนฺเต ภควตา ภาสิตํฯ

ทนฺโต ทมยตํ เสฏฺโฐ,

สนฺโต สมยตํ อิสิ;

มุตฺโต โมจยตํ อคฺโค,

ติณฺโณ ตารยตํ วโร–

สพฺพํ โลกํ อภิญฺญาย,

สพฺพํ โลเก ยถาตถํ;

สพฺพํ โลกํ วิสํยุตฺโต,

สพฺพโลเก อนูปโยฯ

ส เว สพฺพาภิภู ธีโร,

สพฺพคนฺถปฺปโมจโน;

ปุฏฺฐ’สฺส ปรมา สนฺติ,

นิพฺพานํ อกุโต ภยํฯ

เอส ขีณาสโว พุทฺโธ,

อนีโฆ ฉินฺนสํสโย;

สพฺพกมฺมกฺขยํ ปตฺโต,

วิมุตฺโต อุปธิสงฺขเย;

เอส โส ภควา พุทฺโธ,

เอส สีโห อนุตฺตโร;

สเทวกสฺส โลกสฺส,

พฺรหฺมจกฺกํ ปวตฺตยีฯ

อิติ เทวา มนุสฺสา จ,

เย พุทฺธํ สรณํ คตา;

สงฺคมฺม ตํ นมสฺสนฺติ,

มหนฺตํ วีตสารทํฯ

ทนฺโต ทมยตํ เสฏฺโฐ,

สนฺโต สมยตํ อิสิ;

มุตฺโต โมจยตํ อคฺโค,

ติณฺโณ ตารยตํ วโรฯ

อิติ เหตํ นมสฺสนฺติ,

มหนฺตํ วีตสารทํ;

สเทวกสฺมิํ โลกสฺมิํ,

นตฺถิ เม ปฏิปุคฺคโล–

พฺรหฺมจริยสุตฺต

ปุ – ตตฺเถว อาวุโส ปญฺจมํ พฺรหฺมจริยสุตฺตํ ภควตา กถํ ภาสิตํฯ