เมนู

หตฺถิราชวณฺณสุตฺต

ปุจฺฉา – หตฺถิราชวณฺณสุตฺตํ ปนาวุโส ภวคตา ชิเนน กตฺถ กํ อารพฺภ กิสฺมิํ วตฺถุสฺมิํ กถญฺจ ภาสิตํฯ

วิสฺสชฺชนา – อุรุเวลายํ ภนฺเต มารกํเยว ปาปิมนฺตํ อารพฺภ ภาสิตํฯ มาโร ภนฺเต ปาปิมา ภควโต ภยํ ฉมฺภิตตฺตํ โลมหํสํ อุปฺปาเทตุกาโม มหนฺตํ หตฺถิราชวณฺณํ อภินิมฺมินิตฺวา เยน ภควา เตนุปสงฺกมิฯ

ตสฺมิํ ภนฺเต วตฺถุสฺมิํ–

‘‘สํสรํ ทีฆมทฺธานํ, วณฺณํ กตฺวา สุภาสุภํ;

อลํ เต เตน ปาปิม, นิหโต ตฺวมสิ อนฺตกา’’ติฯ

เอวํ โข ภนฺเต ภควตา ชิเนน ภาสิตํฯ

สํสรํ ทีฆมทฺธานํ, วณฺณํ กตฺวา สุภาสุภํ,

อลํ เต เตน ปาปิม, นิหโต ตฺวมสิ อนฺตก –

ภิกฺขุนีสํยุตฺต

อาฬวิกาสุตฺต

ปุจฺฉา – อิทานิ อาวุโส ภิกฺขุนี สํยุตฺตํ ปุจฺฉามิ, ยํ ตสฺส ภควโต อรหโต สมฺมาสมฺพุทฺธสฺส สาวิกาหิ เถรีหิ อตฺตโน