หตฺถิราชวณฺณสุตฺต
ปุจฺฉา – หตฺถิราชวณฺณสุตฺตํ ปนาวุโส ภวคตา ชิเนน กตฺถ กํ อารพฺภ กิสฺมิํ วตฺถุสฺมิํ กถญฺจ ภาสิตํฯ
วิสฺสชฺชนา – อุรุเวลายํ ภนฺเต มารกํเยว ปาปิมนฺตํ อารพฺภ ภาสิตํฯ มาโร ภนฺเต ปาปิมา ภควโต ภยํ ฉมฺภิตตฺตํ โลมหํสํ อุปฺปาเทตุกาโม มหนฺตํ หตฺถิราชวณฺณํ อภินิมฺมินิตฺวา เยน ภควา เตนุปสงฺกมิฯ
ตสฺมิํ ภนฺเต วตฺถุสฺมิํ–
‘‘สํสรํ ทีฆมทฺธานํ, วณฺณํ กตฺวา สุภาสุภํ;
อลํ เต เตน ปาปิม, นิหโต ตฺวมสิ อนฺตกา’’ติฯ
เอวํ โข ภนฺเต ภควตา ชิเนน ภาสิตํฯ