อาฬวกสุตฺต
ปุจฺฉา – เตนาวุโส ภควตา…เป.… สมฺมาสมฺพุทฺเธน ยกฺขสํยุตฺเต อาฬวกสุตฺตํ กตฺถ กํ อารพฺภ กิสฺมิํ วตฺถุสฺมิํ กถญฺจ ภาสิตํฯ
วิสฺสชฺชนา – อาฬวิยํ ภนฺเต อาฬวกสฺส ยกฺขสฺส ภวเน อาฬวกํ ยกฺขํ อารพฺภ ภาสิตํฯ อาฬวโก ภนฺเต ยกฺโข ภควนฺตํ คาถาย อชฺฌภาสิ–
กิํ สูธวิตฺตํ ปุริสสฺส เสฏฺฐํ,
กิํ สุ สุจิณฺณํ สุขมาวหาติ;
กิํ สุ หเว สาทุตรํ รสานํ,
กถํ ชีวิํ ชีวิตามาหุ เสฏฺฐนฺติฯ
ตสฺมิํ ภนฺเต วตฺถุสฺมิํ–
สทฺธีจ วิตฺตํ ปุริสสฺส เสฏฺฐํ,
ธมฺโม สุจิณฺโณ สุขมาวหาติ;
สจฺจํ หเว สาทุตรํ รสานํ,
ปญฺญาชีวิํ ชีวิตมาหุ เสฏฺฐนฺติฯ
เอวมาทินา ภนฺเต ภควตา ภาสิตํฯ