ธมฺมเจติยสุตฺต

ปุจฺฉา – ธมฺมเจติยสุตฺตํ ปนาวุโส ภควตา กตฺถ เกน สทฺธิํ ภาสิตํฯ

วิสฺสชฺชนา – สกฺเกสุ ภนฺเต เมทาฬุเป นาม สกฺยานํ นิคเม รญฺญา ปเสนทินา โกสเลน สทฺธิํ ภาสิตํฯ

กณฺณกตฺถลสุตฺต

ปุจฺฉา – กณฺณกตฺถลสุตฺตํ ปนาวุโส ภควตา กตฺถ เกน สทฺธิํ ภาสิตํฯ

วิสฺสชฺชนา – อุรุญฺญายํ ภนฺเต กณฺณกตฺถเล มิคทาเย รญฺญา ปเสนทินา โกสเลน สทฺธิํ ภาสิตํฯ

พฺรหฺมายุสุตฺต

ปุจฺฉา – เตนาวุโส ภควตา…เป.… สมฺมาสมฺพุทฺเธน พฺรหฺมายุสุตฺตํ กตฺถ กํ อารพฺภ กิสฺมิํ วตฺถุสฺมิํ ภาสิตํฯ