[39] ‘‘สพฺพํ , ภิกฺขเว, ขยธมฺมํ…เป.…ฯ สตฺตมํฯ

[40] ‘‘สพฺพํ, ภิกฺขเว, วยธมฺมํ…เป.…ฯ อฏฺฐมํฯ

[41] ‘‘สพฺพํ, ภิกฺขเว, สมุทยธมฺมํ…เป.…ฯ นวมํฯ

[42] ‘‘สพฺพํ, ภิกฺขเว, นิโรธธมฺมํ…เป.…ฯ ทสมํฯ

ชาติธมฺมวคฺโค จตุตฺโถฯ

ตสฺสุทฺทานํ –

ชาติชราพฺยาธิมรณํ, โสโก จ สํกิเลสิกํ;

ขยวยสมุทยํ, นิโรธธมฺเมน เต ทสาติฯ

5. สพฺพอนิจฺจวคฺโค

1-9. อนิจฺจาทิสุตฺตนวกํ

[43] สาวตฺถินิทานํ ฯ ตตฺร โข…เป.… ‘‘สพฺพํ, ภิกฺขเว, อนิจฺจํฯ กิญฺจ, ภิกฺขเว, สพฺพํ อนิจฺจํ? จกฺขุ, ภิกฺขเว, อนิจฺจํ, รูปา อนิจฺจา, จกฺขุวิญฺญาณํ อนิจฺจํ, จกฺขุสมฺผสฺโส อนิจฺโจฯ ยมฺปิทํ จกฺขุสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ อนิจฺจํ…เป.… ชิวฺหา อนิจฺจา, รสา อนิจฺจา, ชิวฺหาวิญฺญาณํ อนิจฺจํ, ชิวฺหาสมฺผสฺโส อนิจฺโจฯ ยมฺปิทํ ชิวฺหาสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ อนิจฺจํฯ กาโย อนิจฺโจ…เป.… มโน อนิจฺโจ, ธมฺมา อนิจฺจา, มโนวิญฺญาณํ อนิจฺจํ, มโนสมฺผสฺโส อนิจฺโจฯ ยมฺปิทํ มโนสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตมฺปิ อนิจฺจํฯ เอวํ ปสฺสํ, ภิกฺขเว, สุตวา อริยสาวโก จกฺขุสฺมิมฺปิ นิพฺพินฺทติ, รูเปสุปิ นิพฺพินฺทติ, จกฺขุวิญฺญาเณปิ นิพฺพินฺทติ, จกฺขุสมฺผสฺเสปิ นิพฺพินฺทติฯ ยมฺปิทํ จกฺขุสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตสฺมิมฺปิ นิพฺพินฺทติ…เป.… มนสฺมิมฺปิ นิพฺพินฺทติ, ธมฺเมสุปิ นิพฺพินฺทติ, มโนวิญฺญาเณปิ นิพฺพินฺทติ, มโนสมฺผสฺเสปิ นิพฺพินฺทติ, ยมฺปิทํ มโนสมฺผสฺสปจฺจยา อุปฺปชฺชติ เวทยิตํ สุขํ วา ทุกฺขํ วา อทุกฺขมสุขํ วา ตสฺมิมฺปิ นิพฺพินฺทติฯ นิพฺพินฺทํ วิรชฺชติ; วิราคา วิมุจฺจติ; วิมุตฺตสฺมิํ วิมุตฺตมิติ ญาณํ โหติฯ ‘ขีณา ชาติ, วุสิตํ พฺรหฺมจริยํ, กตํ กรณียํ, นาปรํ อิตฺถตฺตายา’ติ ปชานาตี’’ติฯ ปฐมํฯ

[44] ‘‘สพฺพํ , ภิกฺขเว, ทุกฺขํ…เป.…ฯ ทุติยํฯ

[45] ‘‘สพฺพํ, ภิกฺขเว, อนตฺตา…เป.…ฯ ตติยํฯ

[46] ‘‘สพฺพํ , ภิกฺขเว, อภิญฺเญยฺยํ…เป.… ฯ จตุตฺถํฯ

[47] ‘‘สพฺพํ, ภิกฺขเว, ปริญฺเญยฺยํ…เป.…ฯ ปญฺจมํฯ

[48] ‘‘สพฺพํ, ภิกฺขเว, ปหาตพฺพํ…เป.…ฯ ฉฏฺฐํฯ

[49] ‘‘สพฺพํ, ภิกฺขเว, สจฺฉิกาตพฺพํ…เป.… ฯ สตฺตมํฯ

[50] ‘‘สพฺพํ, ภิกฺขเว, อภิญฺญาปริญฺเญยฺยํ…เป.…ฯ อฏฺฐมํฯ

[51] ‘‘สพฺพํ , ภิกฺขเว, อุปทฺทุตํ…เป.…ฯ นวมํฯ