นิคมนํ
สตฺตปฺปกรณนามโต , อภิธมฺมมเทสยิ;
เทวาติเทโว เทวานํ, เทวโลกมฺหิ ตํ ปุเรฯ
ตสฺสายํ มาติกา สพฺพา, สกลสฺสาปิ อุทฺธรา;
จิรฏฺฐิตตฺถํ ธมฺมสฺส, ตํ ปคฺคณฺหนฺตุ สาธโวฯ
ทฺวาวีสติ ติกา เจว, ตเถว เหตุโคจฺฉกํ;
จูฬนฺตรทุกา สตฺต, โคจฺฉกา จ ตโต ปรํฯ
มหนฺตรทุกา จาปิ, ตโต จุทฺทส นิทฺทิเส;
โคจฺฉกานิ ทุเว ปิฏฺฐิ-ทุกานิฏฺฐารเสทิสาฯ
ทฺวาจตฺตาลีส สุตฺตนฺต-ทุกา เตวนฺติ ปญฺจธา;
สตฺตปฺปกรณิกา ภินฺนา, ธมฺมสงฺคณิมาติกาฯ
อภิธมฺมมาติกาปาฬิ นิฏฺฐิตาฯ
ฯ นโม ตสฺส ภควโต อรหโต สมฺมาสมฺพุทฺธสฺสฯ
โมหวิจฺเฉทนี