7. ปฏฺฐานมาติกา

เหตุปจฺจโย อารมฺมณปจฺจโย อธิปติปจฺจโย อนนฺตรปจฺจโย สมนนฺตรปจฺจโย สหชาตปจฺจโย อญฺญมญฺญปจฺจโย นิสฺสยปจฺจโย อุปนิสฺสยปจฺจโย ปุเรชาตปจฺจโย ปจฺฉาชาตปจฺจโย อาเสวนปจฺจโย กมฺมปจฺจโย วิปากปจฺจโย อาหารปจฺจโย อินฺทฺริยปจฺจโย ฌานปจฺจโย มคฺคปจฺจโย สมฺปยุตฺตปจฺจโย วิปฺปยุตฺตปจฺจโย อตฺถิปจฺจโย นตฺถิปจฺจโย วิคตปจฺจโย อวิคตปจฺจโยติ (ปฏฺฐา. 1.1.ปจฺจยุทฺเทส)ฯ

ปฏฺฐานมาติกา นิฏฺฐิตาฯ

นิคมนํ

สตฺตปฺปกรณนามโต , อภิธมฺมมเทสยิ;

เทวาติเทโว เทวานํ, เทวโลกมฺหิ ตํ ปุเรฯ

ตสฺสายํ มาติกา สพฺพา, สกลสฺสาปิ อุทฺธรา;

จิรฏฺฐิตตฺถํ ธมฺมสฺส, ตํ ปคฺคณฺหนฺตุ สาธโวฯ

ทฺวาวีสติ ติกา เจว, ตเถว เหตุโคจฺฉกํ;

จูฬนฺตรทุกา สตฺต, โคจฺฉกา จ ตโต ปรํฯ

มหนฺตรทุกา จาปิ, ตโต จุทฺทส นิทฺทิเส;

โคจฺฉกานิ ทุเว ปิฏฺฐิ-ทุกานิฏฺฐารเสทิสาฯ

ทฺวาจตฺตาลีส สุตฺตนฺต-ทุกา เตวนฺติ ปญฺจธา;

สตฺตปฺปกรณิกา ภินฺนา, ธมฺมสงฺคณิมาติกาฯ

อภิธมฺมมาติกาปาฬิ นิฏฺฐิตาฯ

ฯ นโม ตสฺส ภควโต อรหโต สมฺมาสมฺพุทฺธสฺสฯ

โมหวิจฺเฉทนี