13. นิรุทฺธนิรุชฺฌมานวาโร

นิรุทฺธํ นิรุชฺฌมานํ, นิรุชฺฌมานํ นิรุทฺธํฯ

น นิรุทฺธํ น นิรุชฺฌมานํ, น นิรุชฺฌมานํ น นิรุทฺธํฯ

14. อติกฺกนฺตกาลวาโร

ยสฺส ยํ จิตฺตํ อุปฺปชฺชมานํ ขณํ ขณํ วีติกฺกนฺตํ อติกฺกนฺตกาลํ, นิรุชฺฌมานํ ขณํ ขณํ วีติกฺกนฺตํ อติกฺกนฺตกาลํ ตสฺส ตํ จิตฺตํฯ ยสฺส วา ปน ยํ จิตฺตํ นิรุชฺฌมานํ ขณํ ขณํ วีติกฺกนฺตํ อติกฺกนฺตกาลํ, อุปฺปชฺชมานํ ขณํ ขณํ วีติกฺกนฺตํ อติกฺกนฺตกาลํ ตสฺส ตํ จิตฺตํฯ

ยสฺส ยํ จิตฺตํ น อุปฺปชฺชมานํ ขณํ ขณํ วีติกฺกนฺตํ อติกฺกนฺตกาลํ, น นิรุชฺฌมานํ ขณํ ขณํ วีติกฺกนฺตํ อติกฺกนฺตกาลํ ตสฺส ตํ จิตฺตํฯ ยสฺส วา ปน ยํ จิตฺตํ น นิรุชฺฌมานํ ขณํ ขณํ วีติกฺกนฺตํ อติกฺกนฺตกาลํ, น อุปฺปชฺชมานํ ขณํ ขณํ วีติกฺกนฺตํ อติกฺกนฺตกาลํ ตสฺส ตํ จิตฺตํฯ

สุตฺตนฺตจิตฺตมิสฺสกวิเสโส

ยสฺส สราคํ จิตฺตํ อุปฺปชฺชติ…เป.… ยสฺส วีตราคํ จิตฺตํ อุปฺปชฺชติฯ ยสฺส สโทสํ จิตฺตํ อุปฺปชฺชติฯ ยสฺส วีตโทสํ จิตฺตํ อุปฺปชฺชติฯ ยสฺส สโมหํ จิตฺตํ อุปฺปชฺชติฯ ยสฺส วีตโมหํ จิตฺตํ อุปฺปชฺชติฯ ยสฺส สํขิตฺตํ จิตฺตํ อุปฺปชฺชติฯ ยสฺส วิกฺขิตฺตํ จิตฺตํ อุปฺปชฺชติฯ ยสฺส มหคฺคตํ จิตฺตํ อุปฺปชฺชติฯ ยสฺส อมหคฺคตํ จิตฺตํ อุปฺปชฺชติฯ ยสฺส สอุตฺตรํ จิตฺตํ อุปฺปชฺชติฯ ยสฺส อนุตฺตรํ จิตฺตํ อุปฺปชฺชติฯ ยสฺส สมาหิตํ จิตฺตํ อุปฺปชฺชติฯ ยสฺส อสมาหิตํ จิตฺตํ อุปฺปชฺชติฯ ยสฺส วิมุตฺตํ จิตฺตํ อุปฺปชฺชติฯ ยสฺส อวิมุตฺตํ จิตฺตํ อุปฺปชฺชติฯ

อภิธมฺมจิตฺตมิสฺสกวิเสโส

ยสฺส กุสลํ จิตฺตํ อุปฺปชฺชติ…เป.… ยสฺส อกุสลํ จิตฺตํ อุปฺปชฺชติฯ ยสฺส อพฺยากตํ จิตฺตํ อุปฺปชฺชติฯ ยสฺส สุขาย เวทนาย สมฺปยุตฺตํ จิตฺตํ อุปฺปชฺชติฯ

(เอเตน อุปาเยน ยาว สรณอรณา อุทฺธริตพฺพาฯ)

ยสฺส อรณํ จิตฺตํ อุปฺปชฺชติ น นิรุชฺฌติ, ตสฺส อรณํ จิตฺตํ นิรุชฺฌิสฺสติ น อุปฺปชฺชิสฺสติฯ ยสฺส วา ปน อรณํ จิตฺตํ นิรุชฺฌิสฺสติ น อุปฺปชฺชิสฺสติ, ตสฺส อรณํ จิตฺตํ อุปฺปชฺชติ น นิรุชฺฌติฯ

จิตฺตยมกมาติกา นิฏฺฐิตาฯ

ธมฺมยมกํ

ปณฺณตฺติวาโร

ปทโสธนวาโร

อนุโลมํ

กุสลา กุสลา ธมฺมา (ยม. 3.ธมฺมยมก.1 อาทโย)ฯ กุสลา ธมฺมา กุสลาฯ

อกุสลา อกุสลา ธมฺมาฯ อกุสลา ธมฺมา อกุสลาฯ

อพฺยากตา อพฺยากตา ธมฺมาฯ อพฺยากตา ธมฺมา อพฺยากตาฯ

ปจฺจนีกํ

น กุสลา น กุสลา ธมฺมาฯ น กุสลา ธมฺมา น กุสลาฯ