เมนู

ปณฺณตฺติวาโร

ตโย สงฺขารา (ยม. 2.สงฺขารยมก.1 อาทโย) – กายสงฺขาโร วจีสงฺขาโร จิตฺตสงฺขาโรฯ อสฺสาสปสฺสาสา กายสงฺขาโร, วิตกฺกวิจารา วจีสงฺขาโร, สญฺญา จ เวทนา จ จิตฺตสงฺขาโร, ฐเปตฺวา วิตกฺกวิจาเร สพฺเพปิ จิตฺตสมฺปยุตฺตกา ธมฺมา จิตฺตสงฺขาโรฯ

ปทโสธนวาโร

อนุโลมํ

กาโย กายสงฺขาโร, กายสงฺขาโร กาโยฯ

วจี วจีสงฺขาโร, วจีสงฺขาโร วจีฯ

จิตฺตํ จิตฺตสงฺขาโร, จิตฺตสงฺขาโร จิตฺตํฯ

ปจฺจนีกํ

กาโย น กายสงฺขาโร, น กายสงฺขาโร น กาโยฯ

น วจี น วจีสงฺขาโร, น วจีสงฺขาโร น วจีฯ

น จิตฺตํ น จิตฺตสงฺขาโร, น จิตฺตสงฺขาโร น จิตฺตํฯ

ปทโสธนมูลจกฺกวาโร

อนุโลมํ

กาโย กายสงฺขาโร, สงฺขารา วจีสงฺขาโรฯ

กาโย กายสงฺขาโร, สงฺขารา จิตฺตสงฺขาโรฯ

วจี วจีสงฺขาโร, สงฺขารา กายสงฺขาโรฯ

วจี วจีสงฺขาโร, สงฺขารา จิตฺตสงฺขาโรฯ

จิตฺตํ จิตฺตสงฺขาโร, สงฺขารา กายสงฺขาโรฯ

จิตฺตํ จิตฺตสงฺขาโร, สงฺขารา วจีสงฺขาโรฯ

ปจฺจนีกํ

น กาโย น กายสงฺขาโร, น สงฺขารา น วจีสงฺขาโรฯ

น กาโย น กายสงฺขาโร, น สงฺขารา น จิตฺตสงฺขาโรฯ

น วจี น วจีสงฺขาโร, น สงฺขารา น กายสงฺขาโรฯ

น วจี น วจีสงฺขาโร, น สงฺขารา น จิตฺตสงฺขาโรฯ

น จิตฺตํ น จิตฺตสงฺขาโร, น สงฺขารา น กายสงฺขาโรฯ

น จิตฺตํ น จิตฺตสงฺขาโร, น สงฺขารา น วจีสงฺขาโรฯ

สุทฺธสงฺขารวาโร

อนุโลมํ

กายสงฺขาโร วจีสงฺขาโร, วจีสงฺขาโร กายสงฺขาโรฯ

กายสงฺขาโร จิตฺตสงฺขาโร, จิตฺตสงฺขาโร กายสงฺขาโรฯ

วจีสงฺขาโร จิตฺตสงฺขาโร, จิตฺตสงฺขาโร วจีสงฺขาโรฯ

ปจฺจนีกํ

น กายสงฺขาโร น วจีสงฺขาโร, น วจีสงฺขาโร น กายสงฺขาโรฯ

น กายสงฺขาโร น จิตฺตสงฺขาโร, น จิตฺตสงฺขาโร น กายสงฺขาโรฯ

น วจีสงฺขาโร น จิตฺตสงฺขาโร, น จิตฺตสงฺขาโร น วจีสงฺขาโรฯ

สงฺขารยมกมาติกา นิฏฺฐิตาฯ