กิเลสโคจฺฉกํ

กิเลสา ธมฺมา, โน กิเลสา ธมฺมาฯ สํกิเลสิกา ธมฺมา, อสํกิเลสิกา ธมฺมาฯ สํกิลิฏฺฐา ธมฺมา, อสํกิลิฏฺฐา ธมฺมาฯ กิเลสสมฺปยุตฺตา ธมฺมา, กิเลสวิปฺปยุตฺตา ธมฺมาฯ กิเลสา เจว ธมฺมา สํกิเลสิกา จ, สํกิเลสิกา เจว ธมฺมา โน จ กิเลสาฯ กิเลสา เจว ธมฺมา สํกิลิฏฺฐา จ, สํกิลิฏฺฐา เจว ธมฺมา โน จ กิเลสาฯ กิเลสา เจว ธมฺมา กิเลสสมฺปยุตฺตา จ, กิเลสสมฺปยุตฺตา เจว ธมฺมา โน จ กิเลสาฯ กิเลสวิปฺปยุตฺตา โข ปน ธมฺมา สํกิเลสิกาปิ, อสํกิเลสิกาปิฯ กิเลสโคจฺฉกํฯ

ปิฏฺฐิทุกํ

ทสฺสเนน ปหาตพฺพา ธมฺมา, น ทสฺสเนน ปหาตพฺพา ธมฺมาฯ ภาวนาย ปหาตพฺพา ธมฺมา, น ภาวนาย ปหาตพฺพา ธมฺมาฯ ทสฺสเนน ปหาตพฺพเหตุกา ธมฺมา, น ทสฺสเนน ปหาตพฺพเหตุกา ธมฺมาฯ ภาวนาย ปหาตพฺพเหตุกา ธมฺมา, น ภาวนาย ปหาตพฺพเหตุกา ธมฺมาฯ สวิตกฺกา ธมฺมา, อวิตกฺกา ธมฺมาฯ สวิจารา ธมฺมา, อวิจารา ธมฺมาฯ สปฺปีติกา ธมฺมา, อปฺปีติกา ธมฺมาฯ ปีติสหคตา ธมฺมา, น ปีติสหคตา ธมฺมาฯ สุขสหคตา ธมฺมา, น สุขสหคตา ธมฺมาฯ อุเปกฺขาสหคตา ธมฺมา, น อุเปกฺขาสหคตา ธมฺมาฯ กามาวจรา ธมฺมา, น กามาวจรา ธมฺมาฯ รูปาวจรา ธมฺมา, น รูปาวจรา ธมฺมาฯ อรูปาวจรา ธมฺมา, น อรูปาวจรา ธมฺมาฯ ปริยาปนฺนา ธมฺมา, อปริยาปนฺนา ธมฺมาฯ นิยฺยานิกา ธมฺมา, อนิยฺยานิกา ธมฺมาฯ นิยตา ธมฺมา, อนิยตา ธมฺมาฯ สอุตฺตรา ธมฺมา, อนุตฺตรา ธมฺมาฯ สรณา ธมฺมา, อรณา ธมฺมาฯ ปิฏฺฐิทุกํฯ

อภิธมฺมทุกมาติกาฯ

สุตฺตนฺติกทุกมาติกา

วิชฺชาภาคิโน ธมฺมา, อวิชฺชาภาคิโน ธมฺมาฯ วิชฺชูปมา ธมฺมา, วชิรูปมา ธมฺมาฯ พาลา ธมฺมา, ปณฺฑิตา ธมฺมาฯ กณฺหา ธมฺมา , สุกฺกา ธมฺมาฯ ตปนียา ธมฺมา, อตปนียา ธมฺมาฯ อธิวจนา ธมฺมา, อธิวจนปถา ธมฺมาฯ นิรุตฺติ ธมฺมา, นิรุตฺติปถา ธมฺมาฯ ปญฺญตฺติ ธมฺมา, ปญฺญตฺติปถา ธมฺมาฯ นามญฺจ, รูปญฺจฯ อวิชฺชา จ, ภวตณฺหา จฯ ภวทิฏฺฐิ จ, วิภวทิฏฺฐิ จฯ สสฺสตทิฏฺฐิ จ, อุจฺเฉททิฏฺฐิ จฯ อนฺตวา ทิฏฺฐิ จ, อนนฺตวา ทิฏฺฐิ จฯ ปุพฺพนฺตานุทิฏฺฐิ จ, อปรนฺตานุทิฏฺฐิ จฯ อหิริกญฺจ, อโนตฺตปฺปญฺจฯ หิรี จ, โอตฺตปฺปญฺจฯ โทวจสฺสตา จ, ปาปมิตฺตตา จฯ โสวจสฺสตา จ, กลฺยาณมิตฺตตา จฯ อาปตฺติกุสลตา จ, อาปตฺติวุฏฺฐานกุสลตา จฯ สมาปตฺติกุสลตา จ, สมาปตฺติวุฏฺฐานกุสลตา จฯ ธาตุกุสลตา จ, มนสิการกุสลตา จฯ อายตนกุสลตา จ, ปฏิจฺจสมุปฺปาทกุสลตา จฯ ฐานกุสลตา จ, อฏฺฐานกุสลตา จฯ อชฺชโว จ, มทฺทโว จฯ ขนฺติ จ, โสรจฺจญฺจฯ สาขลฺยญฺจ, ปฏิสนฺถาโร จฯ อินฺทฺริเยสุ อคุตฺตทฺวารตา จ, โภชเน อมตฺตญฺญุตา จฯ อินฺทฺริเยสุ คุตฺตทฺวารตา จ, โภชเน มตฺตญฺญุตา จฯ มุฏฺฐสฺสจฺจญฺจ, อสมฺปชญฺญญฺจฯ สติ จ, สมฺปชญฺญญฺจฯ ปฏิสงฺขานพลญฺจ, ภาวนาพลญฺจฯ สมโถ จ, วิปสฺสนา จฯ สมถนิมิตฺตญฺจ, ปคฺคาหนิมิตฺตญฺจฯ ปคฺคาโห จ, อวิกฺเขโป จฯ สีลวิปตฺติ จ, ทิฏฺฐิวิปตฺติ จฯ สีลสมฺปทา จ, ทิฏฺฐิสมฺปทา จฯ สีลวิสุทฺธิ จ, ทิฏฺฐิวิสุทฺธิ จฯ ทิฏฺฐิวิสุทฺธิ โข ปน, ยถาทิฏฺฐิสฺส จ ปธานํฯ สํเวโค จ สํเวชนิเยสุ ฐาเนสุ, สํวิคฺคสฺส จ โยนิโส ปธานํฯ อสนฺตุฏฺฐิตา จ กุสเลสุ ธมฺเมสุ, อปฺปฏิวานิตา จ ปธานสฺมิํฯ วิชฺชา จ, วิมุตฺติ จฯ ขเย ญาณํ, อนุปฺปาเท ญาณนฺติฯ

สุตฺตนฺติกทุกมาติกาฯ

ธมฺมสงฺคณีมาติกา นิฏฺฐิตาฯ

2. วิภงฺคมาติกา

ขนฺธวิภงฺโค