เมนู

ปณฺณตฺติวาโร

อฏฺฐารส ธาตุโย (ยม. 1.ธาตุรมก.1 อาทโย) – จกฺขุธาตุ โสตธาตุ ฆานธาตุ ชิวฺหาธาตุ กายธาตุ รูปธาตุ สทฺทธาตุ คนฺธธาตุ รสธาตุ โผฏฺฐพฺพธาตุ จกฺขุวิญฺญาณธาตุ โสตวิญฺญาณธาตุ ฆานวิญฺญาณธาตุ ชิวฺหาวิญฺญาณธาตุ กายวิญฺญาณธาตุ มโนธาตุ มโนวิญฺญาณธาตุ ธมฺมธาตุฯ

ปทโสธนวาโร

อนุโลมํ

จกฺขุ จกฺขุธาตุ, จกฺขุธาตุ จกฺขุฯ

โสตํ โสตธาตุ, โสตธาตุ โสตํ…เป.…ฯ

จกฺขุวิญฺญาณํ จกฺขุวิญฺญาณธาตุ, จกฺขุวิญฺญาณธาตุ จกฺขุวิญฺญาณํ…เป.…ฯ

มโน มโนธาตุ, มโนธาตุ มโนฯ

มโนวิญฺญาณํ มโนวิญฺญาณธาตุ, มโนวิญฺญาณธาตุ มโนวิญฺญาณํฯ

ธมฺโม ธมฺมธาตุ, ธมฺมธาตุ ธมฺโมฯ

ปจฺจนีกํ

น จกฺขุ น จกฺขุธาตุ, น จกฺขุธาตุ น จกฺขุฯ

น โสตํ น โสตธาตุ, น โสตธาตุ น โสตํ…เป.…ฯ

น จกฺขุวิญฺญาณํ น จกฺขุวิญฺญาณธาตุ, น จกฺขุวิญฺญาณธาตุ น จกฺขุวิญฺญาณํ…เป.…ฯ

น มโน น มโนธาตุ, น มโนธาตุ น มโนฯ