อนุโลมํ

จกฺขุ อายตนํ, อายตนา จกฺขุฯ

โสตํ อายตนํ, อายตนา โสตํฯ

ฆานํ อายตนํ, อายตนา ฆานํฯ

ชิวฺหา อายตนํ, อายตนา ชิวฺหาฯ

กาโย อายตนํ, อายตนา กาโยฯ

รูปํ อายตนํ, อายตนา รูปํฯ

สทฺโท อายตนํ, อายตนา สทฺโทฯ

คนฺโธ อายตนํ, อายตนา คนฺโธฯ

รโส อายตนํ, อายตนา รโสฯ

โผฏฺฐพฺโพ อายตนํ, อายตนา โผฏฺฐพฺโพฯ

มโน อายตนํ, อายตนา มโนฯ

ธมฺโม อายตนํ, อายตนา ธมฺโมฯ

ปจฺจนีกํ

น จกฺขุ นายตนํ, นายตนา น จกฺขุฯ

น โสตํ นายตนํ, นายตนา น โสตํฯ

น ฆานํ นายตนํ, นายตนา น ฆานํฯ

น ชิวฺหา นายตนํ, นายตนา น ชิวฺหาฯ

น กาโย นายตนํ, นายตนา น กาโยฯ

น รูปํ นายตนํ, นายตนา น รูปํฯ

น สทฺโท นายตนํ, นายตนา น สทฺโทฯ

น คนฺโธ นายตนํ, นายตนา น คนฺโธฯ

น รโส นายตนํ, นายตนา น รโสฯ

น โผฏฺฐพฺโพ นายตนํ, นายตนา น โผฏฺฐพฺโพฯ

น มโน นายตนํ, นายตนา น มโนฯ

น ธมฺโม นายตนํ, นายตนา น ธมฺโมฯ

สุทฺธายตนมูลจกฺกวาโร

อนุโลมํ

จกฺขุ อายตนํ, อายตนา โสตํ…เป.…ฯ

จกฺขุ อายตนํ, อายตนา ธมฺโมฯ

โสตํ อายตนํ, อายตนา จกฺขุ…เป.…ฯ

โสตํ อายตนํ, อายตนา ธมฺโมฯ

ฆานํ อายตนํ, อายตนา จกฺขุ…เป.…ฯ

ฆานํ อายตนํ, อายตนา ธมฺโม…เป.…ฯ

ธมฺโม อายตนํ, อายตนา จกฺขุฯ

ธมฺโม อายตนํ, อายตนา โสตํ…เป.…ฯ

ธมฺโม อายตนํ, อายตนา มโนฯ (จกฺกํ พนฺธิตพฺพํฯ)

ปจฺจนีกํ

น จกฺขุ นายตนํ, นายตนา น โสตํ…เป.…ฯ

น จกฺขุ นายตนํ, นายตนา น ธมฺโมฯ

น โสตํ นายตนํ, นายตนา น จกฺขุ…เป.…ฯ

น โสตํ นายตนํ, นายตนา น ธมฺโมฯ

น ฆานํ นายตนํ, นายตนา น จกฺขุ…เป.…ฯ

น ฆานํ นายตนํ, นายตนา น ธมฺโม…เป.…ฯ

น ธมฺโม นายตนํ, นายตนา น จกฺขุฯ

น ธมฺโม นายตนํ, นายตนา น โสตํ…เป.…ฯ

น ธมฺโม นายตนํ, นายตนา น มโนฯ (จกฺกํ พนฺธิตพฺพํฯ)

อายตนยมกมาติกา นิฏฺฐิตาฯ

ธาตุยมกํ