น สญฺญา น ขนฺโธ, น ขนฺธา น รูปํฯ

น สญฺญา น ขนฺโธ, น ขนฺธา น เวทนาฯ

น สญฺญา น ขนฺโธ, น ขนฺธา น สงฺขาราฯ

น สญฺญา น ขนฺโธ, น ขนฺธา น วิญฺญาณํฯ

น สงฺขารา น ขนฺโธ, น ขนฺธา น รูปํฯ

น สงฺขารา น ขนฺโธ, น ขนฺธา น เวทนาฯ

น สงฺขารา น ขนฺโธ, น ขนฺธา น สญฺญาฯ

น สงฺขารา น ขนฺโธ, น ขนฺธา น วิญฺญาณํฯ

น วิญฺญาณํ น ขนฺโธ, น ขนฺธา น รูปํฯ

น วิญฺญาณํ น ขนฺโธ, น ขนฺธา น เวทนาฯ

น วิญฺญาณํ น ขนฺโธ, น ขนฺธา น สญฺญาฯ

น วิญฺญาณํ น ขนฺโธ, น ขนฺธา น สงฺขาราฯ

ขนฺธยมกมาติกา นิฏฺฐิตาฯ

อายตนยมกํ

ปณฺณตฺติวาโร

ทฺวาทสายตนานิ (ยม. 1.อายตนยมก.1 อาทโย) – จกฺขายตนํ โสตายตนํ ฆานายตนํ ชิวฺหายตนํ กายายตนํ รูปายตนํ สทฺทายตนํ คนฺธายตนํ รสายตนํ โผฏฺฐพฺพายตนํ มนายตนํ ธมฺมายตนํฯ

ปทโสธนวาโร

อนุโลมํ

จกฺขุ จกฺขายตนํ, จกฺขายตนํ จกฺขุฯ

โสตํ โสตายตนํ, โสตายตนํ โสตํฯ

ฆานํ ฆานายตนํ, ฆานายตนํ ฆานํฯ

ชิวฺหา ชิวฺหายตนํ, ชิวฺหายตนํ ชิวฺหาฯ

กาโย กายายตนํ, กายายตนํ กาโยฯ

รูปํ รูปายตนํ, รูปายตนํ รูปํฯ

สทฺโท สทฺทายตนํ, สทฺทายตนํ สทฺโทฯ

คนฺโธ คนฺธายตนํ, คนฺธายตนํ คนฺโธฯ

รโส รสายตนํ, รสายตนํ รโสฯ

โผฏฺฐพฺโพ โผฏฺฐพฺพายตนํ, โผฏฺฐพฺพายตนํ โผฏฺฐพฺโพฯ

มโน มนายตนํ, มนายตนํ มโนฯ

ธมฺโม ธมฺมายตนํ, ธมฺมายตนํ ธมฺโมฯ

ปจฺจนีกํ

น จกฺขุ น จกฺขายตนํ, น จกฺขายตนํ น จกฺขุฯ

น โสตํ น โสตายตนํ, น โสตายตนํ น โสตํฯ

น ฆานํ น ฆานายตนํ, น ฆานายตนํ น ฆานํฯ

น ชิวฺหา น ชิวฺหายตนํ, น ชิวฺหายตนํ น ชิวฺหาฯ

น กาโย น กายายตนํ, น กายายตนํ น กาโยฯ

น รูปํ น รูปายตนํ, น รูปายตนํ น รูปํฯ

น สทฺโท น สทฺทายตนํ, น สทฺทายตนํ น สทฺโทฯ

น คนฺโธ น คนฺธายตนํ, น คนฺธายตนํ น คนฺโธฯ

น รโส น รสายตนํ, น รสายตนํ น รโสฯ

น โผฏฺฐพฺโพ น โผฏฺฐพฺพายตนํ, น โผฏฺฐพฺพายตนํ น โผฏฺฐพฺโพฯ

น มโน น มนายตนํ, น มนายตนํ น มโนฯ

น ธมฺโม น ธมฺมายตนํ, น ธมฺมายตนํ น ธมฺโมฯ

ปทโสธนมูลจกฺกวาโร