เมนู

เย เกจิ นามา ธมฺมา, สพฺเพ เต นามมูเลน เอกมูลกาฯ เย วา ปน นามมูเลน เอกมูลกา, สพฺเพ เต ธมฺมา นามาฯ

เย เกจิ นามมูเลน เอกมูลกา ธมฺมา, สพฺเพ เต นามมูเลน อญฺญมญฺญมูลกาฯ เย วา ปน นามมูเลน อญฺญมญฺญมูลกา, สพฺเพ เต ธมฺมา นามาฯ

เย เกจิ นามา ธมฺมา, สพฺเพ เต นามมูลมูลกาฯ เย วา ปน นามมูลมูลกา, สพฺเพ เต ธมฺมา นามาฯ

เย เกจิ นามา ธมฺมา, สพฺเพ เต นามมูเลน เอกมูลมูลกาฯ เย วา ปน นามมูเลน เอกมูลมูลกา, สพฺเพ เต ธมฺมา นามาฯ

เย เกจิ นามมูเลน เอกมูลมูลกา ธมฺมา, สพฺเพ เต นามมูเลน อญฺญมญฺญมูลมูลกาฯ เย วา ปน นามมูเลน อญฺญมญฺญมูลมูลกา, สพฺเพ เต ธมฺมา นามาฯ

เย เกจิ กุสลา ธมฺมา, สพฺเพ เต กุสลเหตู…เป.… กุสลนิทานา…เป.… กุสลสมฺภวา…เป.… กุสลปฺปภวา…เป.… กุสลสมุฏฺฐานา…เป.… กุสลาหารา…เป.… กุสลารมฺมณา…เป.… กุสลปจฺจยา…เป.… กุสลสมุทยา…เป.…ฯ

มูลํ เหตุ นิทานญฺจ, สมฺภโว ปภเวน จ;

สมุฏฺฐานาหารารมฺมณา, ปจฺจโย สมุทเยน จาติฯ

มูลยมกมาติกา นิฏฺฐิตาฯ

ขนฺธยมกํ

ปณฺณตฺติวาโร

ปญฺจกฺขนฺธา (ยม. 1.ขนฺธยมก.1 อาทโย) – รูปกฺขนฺโธ เวทนากฺขนฺโธ สญฺญากฺขนฺโธ สงฺขารกฺขนฺโธ วิญฺญาณกฺขนฺโธฯ

ปทโสธนวาโร

อนุโลมํ

รูปํ รูปกฺขนฺโธ, รูปกฺขนฺโธ รูปํฯ

เวทนา เวทนากฺขนฺโธ, เวทนากฺขนฺโธ เวทนาฯ

สญฺญา สญฺญากฺขนฺโธ, สญฺญากฺขนฺโธ สญฺญาฯ

สงฺขารา สงฺขารกฺขนฺโธ, สงฺขารกฺขนฺโธ สงฺขาราฯ

วิญฺญาณํ วิญฺญาณกฺขนฺโธ, วิญฺญาณกฺขนฺโธ วิญฺญาณํฯ

ปจฺจนีกํ

รูปํ น รูปกฺขนฺโธ, น รูปกฺขนฺโธ น รูปํฯ

น เวทนา น เวทนากฺขนฺโธ, น เวทนากฺขนฺโธ น เวทนาฯ

น สญฺญา น สญฺญากฺขนฺโธ, น สญฺญากฺขนฺโธ น สญฺญาฯ

น สงฺขารา น สงฺขารกฺขนฺโธ, น สงฺขารกฺขนฺโธ น สงฺขาราฯ

น วิญฺญาณํ น วิญฺญาณกฺขนฺโธ, น วิญฺญาณกฺขนฺโธ น วิญฺญาณํฯ

ปทโสธนมูลจกฺกวาโร

อนุโลมํ

รูปํ รูปกฺขนฺโธ, ขนฺธา เวทนากฺขนฺโธฯ

รูปํ รูปกฺขนฺโธ, ขนฺธา สญฺญากฺขนฺโธฯ

รูปํ รูปกฺขนฺโธ, ขนฺธา สงฺขารกฺขนฺโธฯ

รูปํ รูปกฺขนฺโธ, ขนฺธา วิญฺญาณกฺขนฺโธฯ

เวทนา เวทนากฺขนฺโธ, ขนฺธา รูปกฺขนฺโธฯ

เวทนา เวทนากฺขนฺโธ, ขนฺธา สญฺญากฺขนฺโธฯ

เวทนา เวทนากฺขนฺโธ, ขนฺธา สงฺขารกฺขนฺโธฯ

เวทนา เวทนากฺขนฺโธ, ขนฺธา วิญฺญาณกฺขนฺโธฯ