เมนู

คนฺถารมฺภกถา

[1]

นมสฺสิตฺวา ติโลกคฺคํ, เญยฺยสาครปารคุํ;

ภวาภาวกรํ ธมฺมํ, คณญฺจ คุณสาครํฯ

[2]

นิสฺสาย ปุพฺพาจริยมตํ อตฺถาวิโรธินํ;

วกฺขามิ สจฺจสงฺเขปํ, หิตํ การกโยคินํฯ

1. ปฐโม ปริจฺเฉโท

รูปสงฺเขโป

[3]

สจฺจานิ ปรมตฺถญฺจ, สมฺมุติญฺจาติ ทฺเว ตหิํ;

ถทฺธภาวาทินา เญยฺยํ, สจฺจํ ตํ ปรมตฺถกํ

[4]

สนฺนิเวสวิเสสาทิเญยฺยํ สมฺมุติ ตํ ทฺวยํ;

ภาวสงฺเกตสิทฺธีนํ, ตถตฺตา สจฺจมีริตํฯ

[5]

ปรมตฺโถ สนิพฺพานปญฺจกฺขนฺเธตฺถ ราสิโต;

ขนฺธตฺโถ จ สมาเสตฺวา, วุตฺโตตีตาทิเภทนํฯ

[6]

เวทนาทีสุเปกสฺมิํ, ขนฺธสทฺโท ตุ รุฬฺหิยา;

สมุทฺทาเทกเทเส ตุ, สมุทฺทาทิรโว ยถาฯ

[7]

ตตฺถ สีตาทิรุปฺปตฺตา, รูปํ ภฺวาปานลานิลํ;

ภูตํ กถินทวตาปจนีรณภาวกํฯ

[8]