ฌานปทสฺสาติ ฌานสทฺทสฺสฯ เตสูติ ปญฺจสุฯ ปญฺจ หิ องฺคานิ ฌานปทสฺส อตฺโถติ อิทํ สํวณฺณิยมานตฺตาเยว อิมํ จิตฺตุปฺปาทํ สนฺธาย วุตฺตํฯ น หิ สพฺพสฺมิํ จิตฺตุปฺปาเท ปญฺเจว ฌานงฺคานิฯ ปทสมูโห วากฺยํ, ปทโกฏฺฐาโส วา ผสฺสปญฺจมกาทิ ธมฺมราสิฯ วุตฺตํ ปูริตนฺติ ฉปณฺณาสาทิตาย ปูรณวเสนฯ ผสฺสปจฺจยา เวทนา ‘‘ผุฏฺโฐ เวเทติ, ผุฏฺโฐ สญฺชานาตี’’ติอาทิวจนโต (สํ. นิ. 4.93) ผสฺโส เวทนาทีนํ ปจฺจโยฯ ยทิปิ ฉนฺทาทโย ยถาวุตฺตราสิกิจฺจาภาวโต เตสุ น วตฺตพฺพา, วิสุํ ราสิอนฺตรภาเวน ปน สรูปโต วตฺตพฺพาติ โจทนํ มนสิ กตฺวา ‘‘วุตฺตานมฺปี’’ติอาทิมาหฯ

ธมฺมุทฺเทสวารกถาวณฺณนา นิฏฺฐิตาฯ

กามาวจรกุสลํ