1. นิสฺสยวคฺโค
1-10. กิมตฺถิยสุตฺตาทิวณฺณนา
[1-10] เอกาทสกนิปาตสฺส ปฐมาทีนิ อุตฺตานตฺถาเนวฯ ทสเม ชนิตสฺมินฺติ กมฺมกิเลเสหิ นิพฺพตฺเต, ชเน เอตสฺมินฺติ วา ชเนตสฺมิํ, มนุสฺเสสูติ อตฺโถฯ เตนาห ‘‘เย โคตฺตปฏิสาริโน’’ติฯ ชนิตสฺมิํ-สทฺโท เอว วา อิ-การสฺส เอ-การํ กตฺวา ‘‘ชเนตสฺมิ’’นฺติ วุตฺโตฯ ชนิตสฺมินฺติ จ ชนสฺมินฺติ อตฺโถ เวทิตพฺโพฯ ชนิตสฺมินฺติ สามญฺญคฺคหเณปิ ยตฺถ จตุวณฺณสมญฺญา, ตตฺเถว มนุสฺสโลเกฯ ขตฺติโย เสฏฺโฐติ อยํ โลกสมญฺญาปิ มนุสฺสโลเกเยว, น เทวกาเย พฺรหฺมกาเย วาติ ทสฺเสตุํ ‘‘เย โคตฺตปฏิสาริโน’’ติ วุตฺตํฯ ปฏิสรนฺตีติ ‘‘อหํ โคตโม, อหํ กสฺสโป’’ติ ปฏิ ปฏิ อตฺตโน โคตฺตํ อนุสฺสรนฺติ ปฏิชานนฺติ วาติ อตฺโถฯ
กิมตฺถิยสุตฺตาทิวณฺณนา นิฏฺฐิตาฯ
นิสฺสยวคฺควณฺณนา นิฏฺฐิตาฯ