เมนู

6. อุมฺมคฺคสุตฺตวณฺณนา

[186] ฉฏฺเฐ อากฑฺฒียตีติ จิตฺตวสิโก โลโก ตตฺถ ตตฺถ อุปกฑฺฒียติฯ เตสํเยเวตฺถ คหณํ เวทิตพฺพนฺติ เย อปริญฺญาตวตฺถุกา จิตฺตสฺส วสํ คจฺฉนฺติ, เตสํเยว คหณํฯ น หิ ปริญฺญาตกฺขนฺธา ปหีนกิเลสา จิตฺตสฺส วสํ คจฺฉนฺติ, จิตฺตํ ปน อตฺตโน วเส วตฺเตนฺติฯ สห สีเลนาติ จาริตฺตวาริตฺตสีเลน สทฺธิํฯ ปุพฺพภาคปฏิปทนฺติ ธุตงฺคมาทิํ กตฺวา ยาว โคตฺรภุญาณํ, ตาว ปวตฺเตตพฺพํ สมถวิปสฺสนาสงฺขาตํ สมฺมาปฏิปทํฯ เสสํ สุวิญฺเญยฺยเมวฯ

อุมฺมคฺคสุตฺตวณฺณนา นิฏฺฐิตาฯ