เมนู

ยถา ปฐมสุตฺเต ปญฺจ ปสาทา คหิตา, น สสมฺภารจกฺขุอาทโย, เอวํ ตติยสุตฺเต น ปสาทวตฺถุกจิตฺตเมว คหิตํฯ น ตํสมฺปยุตฺตา ธมฺมาฯ เอวญฺหิ อวธารณํ สาตฺถกํ โหติ อญฺญถา เตน อปเนตพฺพสฺส อภาวโตฯ สพฺพตฺถาติ สพฺเพสุ จตุตฺถสุตฺตาทีสุฯ ชวนปฺปตฺตาติ ชวนจิตฺตสํยุตฺตาฯ

จกฺขุสุตฺตาทิวณฺณนา นิฏฺฐิตาฯ

9. ธาตุสุตฺตวณฺณนา

[196] อากาสธาตุ รูปปริจฺเฉทตาย รูปปริยาปนฺนนฺติ อธิปฺปาเยน ‘‘เสสาหิ รูป’’นฺติ วุตฺตํฯ นามรูปนฺติ เตภูมกํ นามํ รูปญฺจ กถิตํฯ

ธาตุสุตฺตวณฺณนา นิฏฺฐิตาฯ

10. ขนฺธสุตฺตวณฺณนา

[197] สพฺพสงฺคาหิกปริจฺเฉเทนาติ ธมฺมสงฺคณฺหนปริยาเยนฯ อิธาติ อิมสฺมิํ สุตฺเตฯ เตภูมกาติ คเหตพฺพา สมฺมสนจารสฺส อธิปฺเปตตฺตาฯ

ขนฺธสุตฺตวณฺณนา นิฏฺฐิตาฯ

ปฐมวคฺควณฺณนา นิฏฺฐิตาฯ

2. ทุติยวคฺโค