5. ทุติยเวทนานานตฺตสุตฺตวณฺณนา

[89] ตติยจตุตฺเถสุ วุตฺตนยาวาติ ‘‘โน จกฺขุสมฺผสฺสํ ปฏิจฺจ อุปฺปชฺชติ จกฺขุธาตู’’ติ เอวํ วุตฺตนโย, จตุตฺเถ ‘‘จกฺขุธาตุํ, ภิกฺขเว, ปฏิจฺจ อุปฺปชฺชติ จกฺขุสมฺผสฺโส’’ติอาทินา วุตฺตนโย จฯ เอกโต กตฺวาติ เอกชฺฌํ กตฺวา เทสิตาฯ กสฺมา ปน เตสุ สุตฺเตสุ เอวํ เทสนา ปวตฺตาติ อาห ‘‘สพฺพานิ เจตานี’’ติอาทิฯ ปฏิเสโธ ปน เตสํ เวทนานานตฺตาทีนํ ผสฺสนานตฺตาทิกสฺส ปจฺจยภาวโต ตถาอุปฺปตฺติยา อสมฺภวโตฯ อิโต ปเรสูติ ‘‘โน ปริเยสนานานตฺตํ ปฏิจฺจ อุปฺปชฺชติ ปริฬาหนานตฺต’’นฺติอาทีสุฯ

ทุติยเวทนานานตฺตสุตฺตวณฺณนา นิฏฺฐิตาฯ

6. พาหิรธาตุนานตฺตสุตฺตวณฺณนา

[90] ปญฺจ ธาตุโย กามาวจรา รูปสภาวตฺตาฯ

พาหิรธาตุนานตฺตสุตฺตวณฺณนา นิฏฺฐิตาฯ