เมนู

ตตฺถ ตตฺถ คตฏฺฐาเน ปุจฺฉิตปญฺหํ วิสฺสชฺเชติ, อยํ ตาว คนฺถธุโร, ปฏิปตฺติวาสธุเร ปน กมฺมฏฺฐานํ อาจิกฺขติ, อุภเยสมฺปิ ธมฺมสฺสวนํ กโรติฯ สพฺพทานนฺติ ยถาวุตฺตอามิสทานํ อภยทานํฯ ธมฺมทานนฺติ ธมฺมเทสนาฯ ธมฺมรตีติ สมถวิปสฺสนาธมฺเม อภิรติฯ ธมฺมรโสติ สทฺธมฺมสนฺนิสฺสยํ ปีติปาโมชฺชํฯ

กิํททสุตฺตวณฺณนา นิฏฺฐิตาฯ

3. อนฺนสุตฺตวณฺณนา

[43] ปตฺเถนฺตีติ ปิเหนฺติฯ ยตฺถสฺส อุปคมนํ โลเก ปากฏตรํ อโหสิ, เต อุทาหรณวเสน ทสฺเสนฺโต ‘‘จิตฺตคหปติสีวลิตฺเถราทิเก วิยา’’ติ อาหฯ อนฺนนฺติ อนฺนสญฺญิโต จตุพฺพิโธปิ ปจฺจโยฯ สพฺเพปิ ทายเก เอกชฺฌํ คเหตฺวา สามญฺญโต เอกวเสน ‘‘ทายกเมวา’’ติ วุตฺตํ, ยถา จาห ‘‘โก นาม โส ยกฺโข, ยํ อนฺนํ นาภินนฺทตี’’ติ? ตตฺถ ยกฺโขติ สตฺโตฯ สามญฺญโชตนา จ นาม ยสฺมา ปุถุอตฺถวิสยา, ตสฺมา ‘‘เย นํ ททนฺติ สทฺธาย, วิปฺปสนฺเนน เจตสาฯ ตเมว อนฺนํ ภชตี’’ติ วุตฺตํฯ ตตฺถ -กาโร ปทสนฺธิกโร, เต เอวาติ อตฺโถฯ ทายกํ อปริจฺจชนเมว อนุคจฺฉติ จกฺกํ วิย กุพฺพรํฯ

อนฺนสุตฺตวณฺณนา นิฏฺฐิตาฯ