‘‘อนาคตมฺปิ โข, ภิกฺขเว, อทฺธานํ ธาตุโสว สตฺตา สํสนฺทิสฺสนฺติ สเมสฺสนฺติฯ อสฺสทฺธา อสฺสทฺเธหิ สทฺธิํ สํสนฺทิสฺสนฺติ สเมสฺสนฺติ; อหิริกา อหิริเกหิ สทฺธิํ สํสนฺทิสฺสนฺติ สเมสฺสนฺติ; อโนตฺตปฺปิโน อโนตฺตปฺปีหิ สทฺธิํ…เป.… อปฺปสฺสุตา อปฺปสฺสุเตหิ สทฺธิํ…เป.… กุสีตา กุสีเตหิ สทฺธิํ…เป.… มุฏฺฐสฺสติโน มุฏฺฐสฺสตีหิ สทฺธิํ…เป.… ทุปฺปญฺญา ทุปฺปญฺเญหิ สทฺธิํ สํสนฺทิสฺสนฺติ สเมสฺสนฺติฯ
‘‘เอตรหิปิ โข, ภิกฺขเว, ปจฺจุปฺปนฺนํ อทฺธานํ ธาตุโสว สตฺตา สํสนฺทนฺติ สเมนฺติฯ อสฺสทฺธา อสฺสทฺเธหิ สทฺธิํ สํสนฺทนฺติ สเมนฺติ; อหิริกา อหิริเกหิ สทฺธิํ…เป.… อโนตฺตปฺปิโน อโนตฺตปฺปีหิ สทฺธิํ…เป.… อปฺปสฺสุตา อปฺปสฺสุเตหิ สทฺธิํ…เป.… กุสีตา กุสีเตหิ สทฺธิํ…เป.… มุฏฺฐสฺสติโน มุฏฺฐสฺสตีหิ สทฺธิํ สํสนฺทนฺติ สเมนฺติ; ทุปฺปญฺญา ทุปฺปญฺเญหิ สทฺธิํ สํสนฺทนฺติ สเมนฺติฯ
‘‘ธาตุโสว, ภิกฺขเว, สตฺตา สํสนฺทนฺติ สเมนฺติฯ สทฺธา สทฺเธหิ สทฺธิํ สํสนฺทนฺติ สเมนฺติ; หิริมนา หิริมเนหิ สทฺธิํ สํสนฺทนฺติ สเมนฺติ; โอตฺตปฺปิโน โอตฺตปฺปีหิ สทฺธิํ สํสนฺทนฺติ สเมนฺติ; พหุสฺสุตา พหุสฺสุเตหิ สทฺธิํ สํสนฺทนฺติ สเมนฺติ; อารทฺธวีริยา อารทฺธวีริเยหิ สทฺธิํ สํสนฺทนฺติ สเมนฺติ; อุปฏฺฐิตสฺสติโน อุปฏฺฐิตสฺสตีหิ สทฺธิํ สํสนฺทนฺติ สเมนฺติ; ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺติฯ อตีตมฺปิ โข, ภิกฺขเว, อทฺธานํ…เป.… อนาคตมฺปิ โข, ภิกฺขเว…เป.… เอตรหิปิ โข, ภิกฺขเว, ปจฺจุปฺปนฺนํ อทฺธานํ ธาตุโสว สตฺตา สํสนฺทนฺติ สเมนฺติฯ สทฺธา สทฺเธหิ สทฺธิํ สํสนฺทนฺติ สเมนฺติ; ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺตี’’ติฯ สตฺตมํฯ
8. อสฺสทฺธมูลกสุตฺตํ
[102] สาวตฺถิยํ วิหรติ…เป.… ‘‘ธาตุโสว, ภิกฺขเว, สตฺตา สํสนฺทนฺติ สเมนฺติฯ อสฺสทฺธา อสฺสทฺเธหิ สทฺธิํ สํสนฺทนฺติ สเมนฺติ; อหิริกา อหิริเกหิ สทฺธิํ สํสนฺทนฺติ สเมนฺติ; ทุปฺปญฺญา ทุปฺปญฺเญหิ สทฺธิํ สํสนฺทนฺติ สเมนฺติ; สทฺธา สทฺเธหิ สทฺธิํ สํสนฺทนฺติ สเมนฺติ; หิริมนา หิริมเนหิ สทฺธิํ สํสนฺทนฺติ สเมนฺติ; ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺติฯ อตีตมฺปิ โข, ภิกฺขเว, อทฺธานํ ธาตุโสว สตฺตา สํสนฺทิํสุ สมิํสุ…เป.… อนาคตมฺปิ โข, ภิกฺขเว, อทฺธานํ ธาตุโสว สตฺตา สํสนฺทิสฺสนฺติ สเมสฺสนฺติ…เป.…ฯ
‘‘เอตรหิปิ โข, ภิกฺขเว, ปจฺจุปฺปนฺนํ อทฺธานํ ธาตุโสว สตฺตา สํสนฺทนฺติ สเมนฺติฯ อสฺสทฺธา อสฺสทฺเธหิ สทฺธิํ สํสนฺทนฺติ สเมนฺติ; อหิริกา อหิริเกหิ สทฺธิํ สํสนฺทนฺติ สเมนฺติ, ทุปฺปญฺญา ทุปฺปญฺเญหิ สทฺธิํ สํสนฺทนฺติ สเมนฺติ; สทฺธา สทฺเธหิ สทฺธิํ สํสนฺทนฺติ สเมนฺติ; หิริมนา หิริมเนหิ สทฺธิํ สํสนฺทนฺติ สเมนฺติ; ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺตีติฯ (1)
‘‘ธาตุโสว, ภิกฺขเว, สตฺตา สํสนฺทนฺติ สเมนฺติฯ อสฺสทฺธา อสฺสทฺเธหิ สทฺธิํ สํสนฺทนฺติ สเมนฺติ; อโนตฺตปฺปิโน อโนตฺตปฺปีหิ สทฺธิํ สํสนฺทนฺติ สเมนฺติ; ทุปฺปญฺญา ทุปฺปญฺเญหิ สทฺธิํ สํสนฺทนฺติ สเมนฺติ ; สทฺธา สทฺเธหิ สทฺธิํ สํสนฺทนฺติ สเมนฺติ; โอตฺตปฺปิโน โอตฺตปฺปีหิ สทฺธิํ สํสนฺทนฺติ สเมนฺติ; ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺติ…เป.… ปฐมวาโร วิย วิตฺถาเรตพฺโพฯ (2)
‘‘ธาตุโสว , ภิกฺขเว…เป.… อสฺสทฺธา อสฺสทฺเธหิ สทฺธิํ สํสนฺทนฺติ สเมนฺติ; อปฺปสฺสุตา อปฺปสฺสุเตหิ สทฺธิํ สํสนฺทนฺติ สเมนฺติ; ทุปฺปญฺญา ทุปฺปญฺเญหิ สทฺธิํ สํสนฺทนฺติ สเมนฺติ; สทฺธา สทฺเธหิ สทฺธิํ สํสนฺทนฺติ สเมนฺติ; พหุสฺสุตา พหุสฺสุเตหิ สทฺธิํ สํสนฺทนฺติ สเมนฺติ, ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺติ…เป.… ฯ (3)
‘‘ธาตุโสว, ภิกฺขเว…เป.… อสฺสทฺธา อสฺสทฺเธหิ สทฺธิํ สํสนฺทนฺติ สเมนฺติ; กุสีตา กุสีเตหิ สทฺธิํ สํสนฺทนฺติ สเมนฺติ; ทุปฺปญฺญา ทุปฺปญฺเญหิ สทฺธิํ สํสนฺทนฺติ สเมนฺติ; สทฺธา สทฺเธหิ สทฺธิํ สํสนฺทนฺติ สเมนฺติ; อารทฺธวีริยา อารทฺธวีริเยหิ สทฺธิํ สํสนฺทนฺติ สเมนฺติ; ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺติ…เป.…ฯ (4)
‘‘ธาตุโสว , ภิกฺขเว…เป.… อสฺสทฺธา อสฺสทฺเธหิ สทฺธิํ สํสนฺทนฺติ สเมนฺติ; มุฏฺฐสฺสติโน มุฏฺฐสฺสตีหิ สทฺธิํ สํสนฺทนฺติ สเมนฺติ; ทุปฺปญฺญา ทุปฺปญฺเญหิ สทฺธิํ สํสนฺทนฺติ สเมนฺติ; สทฺธา สทฺเธหิ สทฺธิํ สํสนฺทนฺติ สเมนฺติ; อุปฏฺฐิตสฺสติโน อุปฏฺฐิตสฺสตีหิ สทฺธิํ สํสนฺทนฺติ สเมนฺติ; ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺตีติ…เป.…ฯ อฏฺฐมํฯ (5)
9. อหิริกมูลกสุตฺตํ
[103] สาวตฺถิยํ วิหรติ…เป.… ‘‘ธาตุโสว…เป.… อหิริกา อหิริเกหิ สทฺธิํ สํสนฺทนฺติ สเมนฺติ, อโนตฺตปฺปิโน อโนตฺตปฺปีหิ สทฺธิํ สํสนฺทนฺติ สเมนฺติ , ทุปฺปญฺญา ทุปฺปญฺเญหิ สทฺธิํ สํสนฺทนฺติ สเมนฺติ; หิริมนา หิริมเนหิ สทฺธิํ สสนฺทนฺติ สเมนฺติ, โอตฺตปฺปิโน โอตฺตปฺปีหิ สทฺธิํ สํสนฺทนฺติ สเมนฺติ, ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺติ…เป.… ฯ (1)
‘‘อหิริกา อหิริเกหิ สทฺธิํ สํสนฺทนฺติ สเมนฺติ, อปฺปสฺสุตา อปฺปสฺสุเตหิ สทฺธิํ สํสนฺทนฺติ สเมนฺติ, ทุปฺปญฺญา ทุปฺปญฺเญหิ สทฺธิํ สํสนฺทนฺติ สเมนฺติ; หิริมนา หิริมเนหิ สทฺธิํ สํสนฺทนฺติ สเมนฺติ, พหุสฺสุตา พหุสฺสุเตหิ สทฺธิํ สํสนฺทนฺติ สเมนฺติ, ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺติ…เป.…ฯ (2)
‘‘อหิริกา อหิริเกหิ สทฺธิํ สํสนฺทนฺติ สเมนฺติ, กุสีตา กุสีเตหิ สทฺธิํ สํสนฺทนฺติ สเมนฺติ, ทุปฺปญฺญา ทุปฺปญฺเญหิ สทฺธิํ สํสนฺทนฺติ สเมนฺติ; หิริมนา หิริมเนหิ สทฺธิํ สํสนฺทนฺติ สเมนฺติ, อารทฺธวีริยา อารทฺธวีริเยหิ สทฺธิํ สํสนฺทนฺติ สเมนฺติ, ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺติ…เป.…ฯ (3)
‘‘อหิริกา อหิริเกหิ สทฺธิํ สํสนฺทนฺติ สเมนฺติ, มุฏฺฐสฺสติโน มุฏฺฐสฺสตีหิ สทฺธิํ สํสนฺทนฺติ สเมนฺติ, ทุปฺปญฺญา ทุปฺปญฺเญหิ สทฺธิํ สํสนฺทนฺติ สเมนฺติ; หิริมนา หิริมเนหิ สทฺธิํ สํสนฺทนฺติ สเมนฺติ, อุปฏฺฐิตสฺสติโน อุปฏฺฐิตสฺสตีหิ สทฺธิํ สํสนฺทนฺติ สเมนฺติ, ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺตีติ…เป.…ฯ นวมํฯ (4)
10. อโนตฺตปฺปมูลกสุตฺตํ
[104] สาวตฺถิยํ วิหรติ…เป.… ‘‘ธาตุโสว , ภิกฺขเว, สตฺตา สํสนฺทนฺติ สเมนฺติฯ อโนตฺตปฺปิโน อโนตฺตปฺปีหิ สทฺธิํ สํสนฺทนฺติ สเมนฺติ; อปฺปสฺสุตา อปฺปสฺสุเตหิ สทฺธิํ สํสนฺทนฺติ สเมนฺติ; ทุปฺปญฺญา ทุปฺปญฺเญหิ สทฺธิํ สํสนฺทนฺติ สเมนฺติ; โอตฺตปฺปิโน โอตฺตปฺปีหิ สทฺธิํ สํสนฺทนฺติ สเมนฺติ; พหุสฺสุตา พหุสฺสุเตหิ สทฺธิํ สํสนฺทนฺติ สเมนฺติ; ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺติ…เป.…ฯ (1)
‘‘อโนตฺตปฺปิโน อโนตฺตปฺปีหิ สทฺธิํ สํสนฺทนฺติ สเมนฺติ; กุสีตา กุสีเตหิ สทฺธิํ สํสนฺทนฺติ สเมนฺติ; ทุปฺปญฺญา ทุปฺปญฺเญหิ สทฺธิํ สํสนฺทนฺติ สเมนฺติ; โอตฺตปฺปิโน โอตฺตปฺปีหิ สทฺธิํ สํสนฺทนฺติ สเมนฺติ; อารทฺธวีริยา อารทฺธวีริเยหิ สทฺธิํ สํสนฺทนฺติ สเมนฺติ; ปญฺญวนฺโต ปญฺญวนฺเตหิ สทฺธิํ สํสนฺทนฺติ สเมนฺติ…เป.…ฯ (2)
