ขุทฺทสิกฺขา-อภินวฏีกา
คนฺถารมฺภกถา
ติโลกติลกํ วนฺเท, สทฺธมฺมามตนิมฺมิตํ;
สํสุฏฺฐุกตสมฺภตฺติํ, ชินํ ชนมโนรมํฯ
สาริปุตฺตํ มหาสามิํ, เนกสตฺถวิสารทํ;
มหาคุณํ มหาปญฺญํ, นโม เม สิรสา ครุํฯ
ขุทฺทสิกฺขาย ฏีกา ยา, ปุราตนา สมีริตา;
น ตาย สกฺกา สกฺกจฺจํ, อตฺโถ สพฺพตฺถ ญาตเวฯ
ตโตเนกคุณานํ โย, มญฺชูสา รตนานว;
สุมงฺคลสนาเมน, เตน ปญฺญวตา สตาฯ
อชฺเฌสิโต ยตินฺเทน, สทารญฺญนิวาสินา;
สวินิจฺฉยเมติสฺสา, กริสฺสามตฺถวณฺณนํฯ