เมนู

‘‘สมฺโมหํ กตฺวา’’ติ อิมินา วิกฺขิตฺวาติ ปทสฺส วิกฺเขปํ กตฺวาติ อตฺถํ ทสฺเสติฯ โน เจ ลเภถาติ เอตฺถ กิมตฺถาย น ลเภถาติ อาห ‘‘พหิสีมํ คนฺตุ’’นฺติฯ ‘‘ภณฺฑนการกานํ…เป.… โหนฺตี’’ติ อิมินา อลภนสฺส การณํ ทสฺเสติฯ นฺติ อาคมํ ชุณฺหํฯ โกมุทิยา จาตุมาสินิยาติ ปจฺฉิมกตฺติกปุณฺณมายํฯ สา หิ กุมุทานมตฺถิตาย โกมุที, จตุนฺนํ วสฺสิกานํ มาสานํ ปูรณตฺตา จาตุมาสินีติ วุจฺจติฯ ตทา หิ กุมุทานิ สุปุปฺผิตานิ โหนฺติ, ตสฺมา กุมุทานํ สมูหา, กุมุทานิ เอว วา โกมุทา, เต เอตฺถ อตฺถีติ โกมุทีติ วุจฺจติ, กุมุทวตีติ วุตฺตํ โหติ อวสฺสํ ปวาเรตพฺพนฺติ ธุวํ ปวาเรตพฺพํฯ หีติ สจฺจํ, ยสฺมา วาฯ นฺติ โกมุทิํ จาตุมาสินิํฯ

145. ปวารณาสงฺคหกถา

[241] อญฺญตโร ผาสุวิหาโรติ เอตฺถ ผาสุวิหาโร นาม โกติ อาห ‘‘ตรุณสมโถ วา ตรุณวิปสฺสนา วา’’ติฯ อิมินา ตรุณสมถวิปสฺสนา ผาสุํ วิหรติ อเนนาติ ผาสุวิหาโรติ ทสฺเสติฯ ปริพาหิรา ภวิสฺสามาติ เอตฺถ กสฺมา อิมมฺหา ผาสุวิหารา ปริพาหิรา ภวิสฺสนฺตีติ อาห ‘‘อนิพทฺธรตฺติฏฺฐานทิวาฏฺฐานาทิภาเวนา’’ติอาทิฯ ตตฺถ อนิพทฺธรตฺติฏฺฐานทิวาฏฺฐานาทิภาเวนาติ อนิพทฺธทิวาฏฺฐานาทิภาเวน เหตุภูเตน, อสกฺโกนฺตาติ สมฺพนฺโธฯ อาทิสทฺเทน อนิพทฺธจงฺกมาทโย สงฺคณฺหาติฯ ‘‘ฉนฺททานํ ปฏิกฺขิปตี’’ติ อิมินา ‘‘สพฺเพเหว เอกชฺฌํ สนฺนิปติตพฺพ’’นฺติ วากฺยสฺส อญฺญตฺถาโปหนํ ทสฺเสติฯ หีติ สจฺจํ, ยสฺมา วาฯ อิเมสุ ตีสุ ฉนฺททานํ น วฏฺฏติ, ตสฺมา ปฏิกฺขิปตีติ โยชนาฯ อยํ ปวารณาสงฺคโห นาม น ทาตพฺโพติ โยชนาฯ ตรุณสมถวิปสฺสนาลาภี เอกปุคฺคโล วา โหตูติ โยชนาฯ ‘‘เอกสฺสปิ ทาตพฺโพเยวา’’ติ อิมินา อยํ ปวารณาสงฺคโห เอกสฺส ทินฺโนปิ สพฺเพสํ ทินฺโน โหตีติ ทสฺเสติฯ ปวารณาสงฺคเห ทินฺเน สตีติ โยชนาฯ อาคนฺตุกาติ สฏฺฐิวสฺสาปิ อาคนฺตุกาฯ เตสนฺติ ทินฺนปวารณาสงฺคหานํฯ อนฺตราปีติ โกมุทิยา จาตุมาสินิยา อนฺตราปิฯ

อิติ ปวารณากฺขนฺธกวณฺณนาย โยชนา สมตฺตาฯ

5. จมฺมกฺขนฺธกํ