นิคมนกถา
เอตฺตาวตา จ อารทฺธา, วินยฏฺฐกถาย ยา;
วณฺณนา นาติวิตฺถิณฺณา, ปริปุณฺณวินิจฺฉยาฯ
ปญฺญาสภาณวาราย, ตนฺติยา ปริมาณโต;
สมิชฺฌนิฏฺฐิปรมา, ยา วิมติวิโนทนีฯ
อนนฺตราเยน กตา, อยํ นิฏฺฐมุปาคตา;
ยํ ตํ นิฏฺฐํ ตถา สพฺเพ, ปาณิโน สมโนรถาฯ
เถเรหิ วินยญฺญูหิ, สุจิสลฺเลขวุตฺติหิ;
อวิสฺสตฺถาติวิตฺถิณฺณ-คนฺถภีรู หิปตฺถิตํฯ
กโรนฺเตน มยา เอวํ, วินยอตฺถวณฺณนํ;
ยํ ปตฺตํ กุสลํ เตน, ปตฺวา สมฺโพธิมุตฺตมํฯ
วินยตฺถํ ปกาเสตฺวา, โย โสปาเยน ลกฺขณํ;
โสปายํ วิมติจฺเฉท-ญาณจกฺขุปทายกํฯ
วิรทฺธตฺถวิปลฺลาส-คนฺถวิตฺถารหานิยา;
วิสุทฺธิํ ปาปยิสฺสามิ, สตฺเต สํสารทุกฺขโตฯ
โลกิเยหิ จ โภเคหิ, คุเณหิ นิขิลา ปชา;
สพฺเพหิ สหิตา โหนฺตุ, รตา สมฺพุทฺธสาสเนติฯ
วิมติวิโนทนีฏีกา นิฏฺฐิตาฯ