อนุวิชฺชกสฺสปฏิปตฺติวณฺณนา

[365] ฐานนิสชฺชวตฺถาทินิสฺสิตาติ ‘‘เอวํ ฐาตพฺพํ เอวํ นิสีทิตพฺพ’’นฺติ เอวมาทิกาฯ สญฺญาชนนตฺถนฺติ ‘‘เอวํ วตฺตพฺพ’’นฺติ เอวํ สญฺชานนตฺถํฯ อนุวิธิยนฺเตนาติ จิตฺเต ฐเปนฺเตนาติ อตฺโถฯ ลชฺชา สา นุ โขติ กิํ สา ลชฺชา อยํ ปริสาติ อธิปฺปาโยฯ อนุโยควตฺตํ กถาเปตฺวาติ ‘‘กิมนุโยควตฺตํ ชานาสี’’ติ ปุจฺฉิตฺวา เตเนว กถาเปตฺวาฯ อชานนปฺปสงฺคา นาม อญฺญาณํฯ

[367] ‘‘ภเยน ภยา คจฺฉตี’’ติ ภเยน ภยเหตุ ภยา คจฺฉตีติ เหตุวเสน วุตฺตํฯ ยถา ‘‘รตฺตตฺตา ปน ทุฏฺฐตฺตา จ ฉนฺทา โทสา จ คจฺฉตี’’ติ หิ วุตฺตํ, เอวํฯ

มหาสงฺคามวณฺณนา

โวหรนฺเตนชานิตพฺพาทิวณฺณนา

[375] วณฺณาวณฺโณติ นีลาทิวณฺณวเสน จ อาโรคฺยตฺถาทิอวณฺณวเสน จ วุตฺตสุกฺกวิสฺสฏฺฐิฯ

[402] ภูมิปุจฺฉาติ ภูมิ ปุถวี ชคตี จาติ สพฺพานิ ปถวิเววจนานิฯ

กถินเภทวณฺณนา