เมนู

4. จตุตฺถสิกฺขาปทวณฺณนา

[898] จตุตฺเถ สงฺฆาฏิจารนฺติ เอตฺถ สงฺฆาฏิอาทิวเสน อธิฏฺฐิตานํเยวายํ วิธิ, เนตราสํ กิรฯ ตตฺถ ติจีวเร เอว วิปฺปวาสปจฺจยา นิสฺสคฺคิยํฯ อนฺโตจีวรกาเลปิ ปญฺจาหิกํ สงฺฆาฏิจารํ อติกฺกาเมนฺติยา อาปตฺติเยวฯ ‘‘วินา เอเตหิ จีวเรหิ อุปสมฺปทํ กาตุํ น วฏฺฏตี’’ติ โปราณคณฺฐิปเท วุตฺตํฯ

จตุตฺถสิกฺขาปทวณฺณนา นิฏฺฐิตาฯ

5. ปญฺจมสิกฺขาปทวณฺณนา

[906] ปญฺจมสฺส อนาปตฺติวาเร ตาย วา อวิปฺปวาสายาติ อตฺถโต ลพฺภติฯ

ปญฺจมสิกฺขาปทวณฺณนา นิฏฺฐิตาฯ

[907-911] ฉฏฺฐสตฺตมานิ อุตฺตานานิฯ

8. อฏฺฐมสิกฺขาปทวณฺณนา

[916] โสกชฺฌายิกา นาม กิร มายาการาฯ วิลุมฺปกา ภณฺฑกาติ จ โปราณาฯ

อฏฺฐมสิกฺขาปทวณฺณนา นิฏฺฐิตาฯ

9. นวมสิกฺขาปทวณฺณนา

[920] ‘‘กถญฺหิ นาม อติกฺกาเมสฺสตี’’ติ วุตฺตตฺตา ถุลฺลนนฺทา จีวรกาลสมยํ อาคเมถาติ อติกฺกมาเปสีติ สิทฺธํ โหติฯ

นวมสิกฺขาปทวณฺณนา นิฏฺฐิตาฯ