สนฺถตจตุกฺกเภทกกถาวณฺณนา

[61-2] อิตฺถินิมิตฺตํ ขาณุํ กตฺวาติ อิตฺถินิมิตฺตสฺส อนฺโต ขาณุํ ปเวเสตฺวา สมตลํ วา กตฺวา อติริตฺตํ วา ขาณุํ ฆฏฺเฏนฺตสฺส ทุกฺกฏํ ปเวสาภาวาฯ อีสกํ อนฺโต ปเวเสตฺวา ฐิตํ ขาณุเมว เจ องฺคชาเตน ฉุปติ, ปาราชิกํฯ ‘‘อุปฺปลคนฺธา อุปฺปลภาวา’’ติปิ ทีปวาสิโน ปฐนฺติ กิรฯ สุตฺตํ ภิกฺขุมฺหีติ เสวนจิตฺตํ อุปฏฺฐิเตติ (ปารา. 57) เอตฺถ วิยฯ ‘‘สุตฺตภิกฺขุมฺหี’’ติ จ ปฐนฺติ, ตํ อุชุกเมวฯ

สนฺถตจตุกฺกเภทกกถาวณฺณนา นิฏฺฐิตาฯ

ปทภาชนียวณฺณนา นิฏฺฐิตาฯ