อุทฺทิฏฺฐา โข, อยฺยาโย, อฏฺฐ ปาฏิเทสนียา ธมฺมาฯ ตตฺถายฺยาโย, ปุจฺฉามิ, กจฺจิตฺถ ปริสุทฺธา, ทุติยมฺปิ ปุจฺฉามิ, กจฺจิตฺถ ปริสุทฺธา, ตติยมฺปิ ปุจฺฉามิ, กจฺจิตฺถ ปริสุทฺธา, ปริสุทฺเธตฺถายฺยาโย, ตสฺมา ตุณฺหี, เอวเมตํ ธารยามีติฯ

ปาฏิเทสนียา นิฏฺฐิตาฯ

เสขิยา

อิเม โข ปนายฺยาโย, เสขิยา ธมฺมา อุทฺเทสํ อาคจฺฉนฺติฯ

ปริมณฺฑลสิกฺขาปทํ

[1] ปริมณฺฑลํ นิวาเสสฺสามีติ สิกฺขา กรณียาฯ

[2] ปริมณฺฑลํ ปารุปิสฺสามีติ สิกฺขา กรณียาฯ

สุปฺปฏิจฺฉนฺนสิกฺขาปทํ

[3] สุปฺปฏิจฺฉนฺนา อนฺตรฆเร คมิสฺสามีติ สิกฺขา กรณียาฯ

[4] สุปฺปฏิจฺฉนฺนา อนฺตรฆเร นิสีทิสฺสามีติ สิกฺขา กรณียาฯ

สุสํวุตสิกฺขาปทํ

[5] สุสํวุตา อนฺตรฆเร คมิสฺสามีติ สิกฺขา กรณียาฯ

[6] สุสํวุตา อนฺตรฆเร นิสีทิสฺสามีติ สิกฺขา กรณียาฯ

โอกฺขิตฺตจกฺขุสิกฺขาปทํ

[7] โอกฺขิตฺตจกฺขุนี อนฺตรฆเร คมิสฺสามีติ สิกฺขา กรณียาฯ

[8] โอกฺขิตฺตจกฺขุนี อนฺตรฆเร นิสีทิสฺสามีติ สิกฺขา กรณียาฯ

อุกฺขิตฺตกสิกฺขาปทํ

[9] น อุกฺขิตฺตกาย อนฺตรฆเร คมิสฺสามีติ สิกฺขา กรณียาฯ

[10] น อุกฺขิตฺตกาย อนฺตรฆเร นิสีทิสฺสามีติ สิกฺขา กรณียาฯ

ปริมณฺฑลวคฺโค ปฐโมฯ

อุชฺชคฺฆิกสิกฺขาปทํ

[11] น อุชฺชคฺฆิกาย อนฺตรฆเร คมิสฺสามีติ สิกฺขา กรณียาฯ

[12] น อุชฺชคฺฆิกาย อนฺตรฆเร นิสีทิสฺสามีติ สิกฺขา กรณียาฯ

อุจฺจสทฺทสิกฺขาปทํ

[13] อปฺปสทฺทา อนฺตรฆเร คมิสฺสามีติ สิกฺขา กรณียาฯ

[14] อปฺปสทฺทา อนฺตรฆเร นิสีทิสฺสามีติ สิกฺขา กรณียาฯ

กายปฺปจาลกสิกฺขาปทํ

[15] น กายปฺปจาลกํ อนฺตรฆเร คมิสฺสามีติ สิกฺขา กรณียาฯ

[16] น กายปฺปจาลกํ อนฺตรฆเร นิสีทิสฺสามีติ สิกฺขา กรณียาฯ

พาหุปฺปจาลกสิกฺขาปทํ

[17] น พาหุปฺปจาลกํ อนฺตรฆเร คมิสฺสามีติ สิกฺขา กรณียาฯ

[18] น พาหุปฺปจาลกํ อนฺตรฆเร นิสีทิสฺสามีติ สิกฺขา กรณียาฯ

สีสปฺปจาลกสิกฺขาปทํ

[19] น สีสปฺปจาลกํ อนฺตรฆเร คมิสฺสามีติ สิกฺขา กรณียาฯ

[20] น สีสปฺปจาลกํ อนฺตรฆเร นิสีทิสฺสามีติ สิกฺขา กรณียาฯ

อุชฺชคฺฆิกวคฺโค ทุติโยฯ

ขมฺภกตสิกฺขาปทํ

[21] น ขมฺภกตา อนฺตรฆเร คมิสฺสามีติ สิกฺขา กรณียาฯ

[22] น ขมฺภกตา อนฺตรฆเร นิสีทิสฺสามีติ สิกฺขา กรณียาฯ

โอคุณฺฐิตสิกฺขาปทํ

[23] น โอคุณฺฐิตา อนฺตรฆเร คมิสฺสามีติ สิกฺขา กรณียาฯ

[24] น โอคุณฺฐิตา อนฺตรฆเร นิสีทิสฺสามีติ สิกฺขา กรณียาฯ

อุกฺกุฏิกสิกฺขาปทํ

[25] น อุกฺกุฏิกาย อนฺตรฆเร คมิสฺสามีติ สิกฺขา กรณียาฯ

ปลฺลตฺถิกสิกฺขาปทํ

[26] น ปลฺลตฺถิกาย อนฺตรฆเร นิสีทิสฺสามีติ สิกฺขา กรณียาฯ

สกฺกจฺจปฏิคฺคหณสิกฺขาปทํ

[27] สกฺกจฺจํ ปิณฺฑปาตํ ปฏิคฺคเหสฺสามีติ สิกฺขา กรณียาฯ

ปตฺตสญฺญินีปฏิคฺคหณสิกฺขาปทํ

[28] ปตฺตสญฺญินี ปิณฺฑปาตํ ปฏิคฺคเหสฺสามีติ สิกฺขา กรณียาฯ

สมสูปกปฏิคฺคหณสิกฺขาปทํ

[29] สมสูปกํ ปิณฺฑปาตํ ปฏิคฺคเหสฺสามีติ สิกฺขา กรณียาฯ

สมติตฺติกสิกฺขาปทํ

[30] สมติตฺติกํ ปิณฺฑปาตํ ปฏิคฺคเหสฺสามีติ สิกฺขา กรณียาฯ

ขมฺภกตวคฺโค ตติโยฯ

สกฺกจฺจภุญฺชนสิกฺขาปทํ

[31] สกฺกจฺจํ ปิณฺฑปาตํ ภุญฺชิสฺสามีติ สิกฺขา กรณียาฯ

ปตฺตสญฺญินีภุญฺชนสิกฺขาปทํ

[32] ปตฺตสญฺญินี ปิณฺฑปาตํ ภุญฺชิสฺสามีติ สิกฺขา กรณียาฯ

สปทานสิกฺขาปทํ

[33] สปทานํ ปิณฺฑปาตํ ภุญฺชิสฺสามีติ สิกฺขา กรณียาฯ

สมสูปกสิกฺขาปทํ

[34] สมสูปกํ ปิณฺฑปาตํ ภุญฺชิสฺสามีติ สิกฺขา กรณียาฯ

น ถูปกตสิกฺขาปทํ

[35] น ถูปกโต โอมทฺทิตฺวา ปิณฺฑปาตํ ภุญฺชิสฺสามีติ สิกฺขา กรณียาฯ

โอทนปฺปฏิจฺฉาทนสิกฺขาปทํ

[36] น สูปํ วา พฺยญฺชนํ วา โอทเนน ปฏิจฺฉาเทสฺสามิ ภิยฺโยกมฺยตํ อุปาทายาติ สิกฺขา กรณียาฯ

สูโปทนวิญฺญตฺติสิกฺขาปทํ

[37] น สูปํ วา โอทนํ วา อคิลานา อตฺตโน อตฺถาย วิญฺญาเปตฺวา ภุญฺชิสฺสามีติ สิกฺขา กรณียาฯ

อุชฺฌานสญฺญินีสิกฺขาปทํ

[38] น อุชฺฌานสญฺญินี ปเรสํ ปตฺตํ โอโลเกสฺสามีติ สิกฺขา กรณียาฯ

กพฬสิกฺขาปทํ

[39] นาติมหนฺตํ กพฬํ กริสฺสามีติ สิกฺขา กรณียาฯ

อาโลปสิกฺขาปทํ

[40] ปริมณฺฑลํ อาโลปํ กริสฺสามีติ สิกฺขา กรณียาฯ

สกฺกจฺจวคฺโค จตุตฺโถฯ

อนาหฏสิกฺขาปทํ

[41] น อนาหเฏ กพเฬ มุขทฺวารํ วิวริสฺสามีติ สิกฺขา กรณียาฯ

ภุญฺชมานสิกฺขาปทํ

[42] น ภุญฺชมานา สพฺพหตฺถํ มุเข ปกฺขิปิสฺสามีติ สิกฺขา กรณียาฯ

สกพฬสิกฺขาปทํ

[43] น สกพเฬน มุเขน พฺยาหริสฺสามีติ สิกฺขา กรณียาฯ

ปิณฺฑุกฺเขปกสิกฺขาปทํ

[44] น ปิณฺฑุกฺเขปกํ ภุญฺชิสฺสามีติ สิกฺขา กรณียาฯ

กพฬาวจฺเฉทกสิกฺขาปทํ

[45] น กพฬาวจฺเฉทกํ ภุญฺชิสฺสามีติ สิกฺขา กรณียาฯ

อวคณฺฑการกสิกฺขาปทํ

[46] น อวคณฺฑการกํ ภุญฺชิสฺสามีติ สิกฺขา กรณียาฯ

หตฺถนิทฺธุนกสิกฺขาปทํ

[47] น หตฺถนิทฺธุนกํ ภุญฺชิสฺสามีติ สิกฺขา กรณียาฯ

สิตฺถาวการกสิกฺขาปทํ

[48] น สิตฺถาวการกํ ภุญฺชิสฺสามีติ สิกฺขา กรณียาฯ

ชิวฺหานิจฺฉารกสิกฺขาปทํ

[49] น ชิวฺหานิจฺฉารกํ ภุญฺชิสฺสามีติ สิกฺขา กรณียาฯ

จปุจปุการกสิกฺขาปทํ

[50] น จปุจปุการกํ ภุญฺชิสฺสามีติ สิกฺขา กรณียาฯ

กพฬวคฺโค ปญฺจโมฯ

สุรุสุรุการกสิกฺขาปทํ

[51] น สุรุสุรุการกํ ภุญฺชิสฺสามีติ สิกฺขา กรณียาฯ

หตฺถนิลฺเลหกสิกฺขาปทํ

[52] น หตฺถนิลฺเลหกํ ภุญฺชิสฺสามีติ สิกฺขา กรณียาฯ

ปตฺตนิลฺเลหกสิกฺขาปทํ

[53] น ปตฺตนิลฺเลหกํ ภุญฺชิสฺสามีติ สิกฺขา กรณียาฯ

โอฏฺฐนิลฺเลหกสิกฺขาปทํ

[54] น โอฏฺฐนิลฺเลหกํ ภุญฺชิสฺสามีติ สิกฺขา กรณียาฯ

สามิสสิกฺขาปทํ

[55] น สามิเสน หตฺเถน ปานียถาลกํ ปฏิคฺคเหสฺสามีติ สิกฺขา กรณียาฯ

สสิตฺถกสิกฺขาปทํ

[56] น สสิตฺถกํ ปตฺตโธวนํ อนฺตรฆเร ฉฑฺเฑสฺสามีติ สิกฺขา กรณียาฯ

ฉตฺตปาณิสิกฺขาปทํ

[57] น ฉตฺตปาณิสฺส อคิลานสฺส ธมฺมํ เทเสสฺสามีติ สิกฺขา กรณียาฯ

ทณฺฑปาณิสิกฺขาปทํ

[58] น ทณฺฑปาณิสฺส อคิลานสฺส ธมฺมํ เทเสสฺสามีติ สิกฺขา กรณียาฯ

สตฺถปาณิสิกฺขาปทํ

[59] น สตฺถปาณิสฺส อคิลานสฺส ธมฺมํ เทเสสฺสามีติ สิกฺขา กรณียาฯ

อาวุธปาณิสิกฺขาปทํ

[60] น อาวุธปาณิสฺส อคิลานสฺส ธมฺมํ เทเสสฺสามีติ สิกฺขา กรณียาฯ

สุรุสุรุวคฺโค ฉฏฺโฐฯ

ปาทุกสิกฺขาปทํ

[61] น ปาทุการุฬฺหสฺส อคิลานสฺส ธมฺมํ เทเสสฺสามีติ สิกฺขา กรณียาฯ

อุปาหนสิกฺขาปทํ

[62] น อุปาหนารุฬฺหสฺส อคิลานสฺส ธมฺมํ เทเสสฺสามีติ สิกฺขา กรณียาฯ

ยานสิกฺขาปทํ

[63] น ยานคตสฺส อคิลานสฺส ธมฺมํ เทเสสฺสามีติ สิกฺขา กรณียาฯ

สยนสิกฺขาปทํ

[64] น สยนคตสฺส อคิลานสฺส ธมฺมํ เทเสสฺสามีติ สิกฺขา กรณียาฯ

ปลฺลตฺถิกสิกฺขาปทํ

[65] น ปลฺลตฺถิกาย นิสินฺนสฺส อคิลานสฺส ธมฺมํ เทเสสฺสามีติ สิกฺขา กรณียาฯ

เวฐิตสิกฺขาปทํ

[66] น เวฐิตสีสสฺส อคิลานสฺส ธมฺมํ เทเสสฺสามีติ สิกฺขา กรณียาฯ

โอคุณฺฐิตสิกฺขาปทํ

[67] น โอคุณฺฐิตสีสสฺส อคิลานสฺส ธมฺมํ เทเสสฺสามีติ สิกฺขา กรณียาฯ

ฉมาสิกฺขาปทํ

[68] น ฉมายํ นิสีทิตฺวา อาสเน นิสินฺนสฺส อคิลานสฺส ธมฺมํ เทเสสฺสามีติ สิกฺขา กรณียาฯ

นีจาสนสิกฺขาปทํ

[69] น นีเจ อาสเน นิสีทิตฺวา อุจฺเจ อาสเน นิสินฺนสฺส อคิลานสฺส ธมฺมํ เทเสสฺสามีติ สิกฺขา กรณียาฯ

ฐิตาสิกฺขาปทํ

[70] น ฐิตา นิสินฺนสฺส อคิลานสฺส ธมฺมํ เทเสสฺสามีติ สิกฺขา กรณียาฯ

ปจฺฉโตคจฺฉนฺตีสิกฺขาปทํ

[71] น ปจฺฉโต คจฺฉนฺตี ปุรโต คจฺฉนฺตสฺส อคิลานสฺส ธมฺมํ เทเสสฺสามีติ สิกฺขา กรณียาฯ

อุปฺปเถนคจฺฉนฺตีสิกฺขาปทํ

[72] น อุปฺปเถน คจฺฉนฺตี ปเถน คจฺฉนฺตสฺส อคิลานสฺส ธมฺมํ เทเสสฺสามีติ สิกฺขา กรณียาฯ

ฐิตาอุจฺจารสิกฺขาปทํ

[73] น ฐิตา อคิลานา อุจฺจารํ วา ปสฺสาวํ วา กริสฺสามีติ สิกฺขา กรณียาฯ

หริเตอุจฺจารสิกฺขาปทํ

[74] น หริเต อคิลานา อุจฺจารํ วา ปสฺสาวํ วา เขฬํ วา กริสฺสามีติ สิกฺขา กรณียาฯ

อุทเกอุจฺจารสิกฺขาปทํ

[75] น อุทเก อคิลานา อุจฺจารํ วา ปสฺสาวํ วา เขฬํ วา กริสฺสามีติ สิกฺขา กรณียาฯ

ปาทุกวคฺโค สตฺตโมฯ

อุทฺทิฏฺฐา โข, อยฺยาโย, เสขิยา ธมฺมาฯ ตตฺถายฺยาโย, ปุจฺฉามิ, กจฺจิตฺถ ปริสุทฺธา, ทุติยมฺปิ ปุจฺฉามิ, กจฺจิตฺถ ปริสุทฺธา, ตติยมฺปิ ปุจฺฉามิ, กจฺจิตฺถ ปริสุทฺธา, ปริสุทฺเธตฺถายฺยาโย, ตสฺมา ตุณฺหี, เอวเมตํ ธารยามีติฯ

เสขิยา นิฏฺฐิตาฯ

อธิกรณสมถา

อิเม โข ปนายฺยาโย, สตฺต อธิกรณสมถา

ธมฺมา อุทฺเทสํ อาคจฺฉนฺติฯ

อุปฺปนฺนุปฺปนฺนานํ อธิกรณานํ สมถาย วูปสมาย สมฺมุขาวินโย ทาตพฺโพฯ

สติวินโย ทาตพฺโพฯ

อมูฬฺหวินโย ทาตพฺโพฯ

ปฏิญฺญาย กาเรตพฺพํฯ

เยภุยฺยสิกาฯ

ตสฺสปาปิยสิกาฯ

ติณวตฺถารโกติฯ

อุทฺทิฏฺฐา โข อยฺยาโย สตฺต อธิกรณสมถา ธมฺมาฯ ตตฺถายฺยาโย ปุจฺฉามิ, กจฺจิตฺถ ปริสุทฺธา, ทุติยมฺปิ ปุจฺฉามิ, กจฺจิตฺถ ปริสุทฺธา , ตติยมฺปิ ปุจฺฉามิ, กจฺจิตฺถ ปริสุทฺธา, ปริสุทฺเธตฺถายฺยาโย, ตสฺมา ตุณฺหี, เอวเมตํ ธารยามีติฯ

อธิกรณสมถา นิฏฺฐิตาฯ

อุทฺทิฏฺฐํ โข อยฺยาโย นิทานํ,

อุทฺทิฏฺฐา อฏฺฐ ปาราชิกา ธมฺมา,

อุทฺทิฏฺฐา สตฺตรส สงฺฆาทิเสสา ธมฺมา,

อุทฺทิฏฺฐา ติํส นิสฺสคฺคิยา ปาจิตฺติยา ธมฺมา,

อุทฺทิฏฺฐา ฉสฏฺฐิ สตา ปาจิตฺติยา ธมฺมา,

อุทฺทิฏฺฐา อฏฺฐ ปาฏิเทสนียา ธมฺมา,

อุทฺทิฏฺฐา เสขิยา ธมฺมา,

อุทฺทิฏฺฐา สตฺต อธิกรณสมถา ธมฺมา, เอตฺตกํ ตสฺส ภควโต สุตฺตาคตํ สุตฺตปริยาปนฺนํ อนฺวทฺธมาสํ อุทฺเทสํ อาคจฺฉติ, ตตฺถ สพฺพาเหว สมคฺคาหิ สมฺโมทมานาหิ อวิวทมานาหิ สิกฺขิตพฺพนฺติฯ

วิตฺถารุทฺเทโส จตุตฺโถฯ

ภิกฺขุนิปาติโมกฺขํ นิฏฺฐิตํฯ

ฯ นโม ตสฺส ภควโต อรหโต สมฺมาสมฺพุทฺธสฺสฯ