เมนู

ปุจฺฉาวิสฺสชฺชนาวณฺณนา

[320] นิทาเนน จ นิทฺเทเสน จ สทฺธินฺติ เอตฺถ นิทาเนนาติ สิกฺขาปทปญฺญตฺติเทสสงฺขาเตน นิทาเนนฯ นิทฺเทเสนาติ ปุคฺคลาทินิทฺเทเสนฯ อุภเยนปิ ตสฺส ตสฺส สิกฺขาปทสฺส วตฺถุ ทสฺสิตํ, ตสฺมา วตฺถุนา สทฺธิํ ขนฺธกํ ปุจฺฉิสฺสามีติ อยเมตฺถ อตฺโถฯ ตตฺถาติ ตสฺมิํ อุปสมฺปทกฺขนฺธเกฯ อุตฺตมานิ ปทานิ วุตฺตานีติ ‘‘น, ภิกฺขเว, อูนวีสติวสฺโส ปุคฺคโล อุปสมฺปาเทตพฺโพ’’ติอาทินา (มหาว. 99, 124) นเยน อุตฺตมปทานิ วุตฺตานิฯ จมฺมสํยุตฺเตติ จมฺมกฺขนฺธเกฯ