กถาวตฺถุ-อฏฺฐกถา
นิสินฺโน เทวโลกสฺมิํ, เทวสงฺฆปุรกฺขโต;
สเทวกสฺส โลกสฺส, สตฺถา อปฺปฏิปุคฺคโลฯ
สพฺพปญฺญตฺติกุสโล, ปญฺญตฺติปริทีปนํ;
วตฺวา ปุคฺคลปญฺญตฺติํ, โลเก อุตฺตมปุคฺคโลฯ
ยํ ปุคฺคลกถาทีนํ, กถานํ วตฺถุภาวโต;
กถาวตฺถุปฺปกรณํ, สงฺเขเปน อเทสยีฯ
มาติกาฐปเนเนว , ฐปิตสฺส สุราลเย;
ตสฺส โมคฺคลิปุตฺเตน, วิภตฺตสฺส มหีตเลฯ
อิทานิ ยสฺมา สมฺปตฺโต, อตฺถสํวณฺณนากฺกโม;
ตสฺมา นํ วณฺณยิสฺสามิ, ตํ สุณาถ สมาหิตาติฯ