ฯ นโม ตสฺส ภควโต อรหโต สมฺมาสมฺพุทฺธสฺสฯ
ขุทฺทกนิกาเย
ปฏิสมฺภิทามคฺค-อฏฺฐกถา
(ปฐโม ภาโค)
คนฺถารมฺภกถา
โย สพฺพโลกาติคสพฺพโสภา-
ยุตฺเตหิ สพฺเพหิ คุเณหิ ยุตฺโต;
โทเสหิ สพฺเพหิ สวาสเนหิ,
มุตฺโต วิมุตฺติํ ปรมญฺจ ทาตาฯ
นิจฺจํ ทยาจนฺทนสีตจิตฺโต,
ปญฺญารวิชฺโชติตสพฺพเนยฺโย;
สพฺเพสุ ภูเตสุ ตมคฺคภูตํ,
ภูตตฺถนาถํ สิรสา นมิตฺวาฯ
โย สพฺพภูเตสุ มุนีว อคฺโค, อนนฺตสงฺเขสุ ชินตฺตเชสุ;
อหู ทยาญาณคุเณหิ สตฺถุลีลานุการี ชนตาหิเตสุฯ
ตํ สาริปุตฺตํ มุนิราชปุตฺตํ, เถรํ ถิราเนกคุณาภิรามํ;
ปญฺญาปภาวุคฺคตจารุกิตฺติํ, สุสนฺตวุตฺติญฺจ อโถ นมิตฺวาฯ