3. ตติยสิกฺขาปทวณฺณนา
[1190] ตติเย – วิปฺปกิริยิํสูติ มณโย วิปฺปกิณฺณาฯ อิธาปิ โอมุญฺจิตฺวา ธาเรนฺติยา ปโยคคณนาย อาปตฺติโยฯ สมุฏฺฐานาทีนิ วุตฺตนยาเนวฯ เกวลํ อิธ อกุสลจิตฺตํ โหตีติฯ
ตติยสิกฺขาปทํฯ
4. จตุตฺถสิกฺขาปทวณฺณนา
[1194] จตุตฺเถ – สีสูปคาทีสุ ยํ ยํ ธาเรติ, ตสฺส ตสฺส วเสน วตฺถุคณนาย อาปตฺติโย เวทิตพฺพาฯ เสสํ ตติเย วุตฺตนยเมวาติฯ
จตุตฺถสิกฺขาปทํฯ
5. ปญฺจมสิกฺขาปทวณฺณนา
[1199] ปญฺจเม – คนฺธวณฺณเกนาติ คนฺเธน จ วณฺณเกน จฯ เสสํ อุตฺตานเมวฯ สมุฏฺฐานาทีนิ ตติยสทิสาเนวาติฯ
ปญฺจมสิกฺขาปทํฯ
6. ฉฏฺฐสิกฺขาปทวณฺณนา
[1202] ฉฏฺเฐ – สพฺพํ ปญฺจเม วุตฺตสทิสเมวาติฯ
ฉฏฺฐสิกฺขาปทํฯ